സമൂഹമാധ്യമമായ ട്വിറ്ററിൽ ഇന്ത്യാവിരുദ്ധ വാർത്തകളും ആശയങ്ങളും പ്രചരിപ്പിച്ചിരുന്ന വ്യാജ അക്കൗണ്ട് ട്വിറ്റർ കമ്പനി ഡിലീറ്റ് ചെയ്തു. ഗൾഫ് രാജ്യങ്ങളിൽ ഇന്ത്യയുടെ മതനിരപേക്ഷ തകർക്കുന്ന വാർത്തകൾ പ്രചരിപ്പിക്കുകയായിരുന്നു @idanialusaf എന്ന യൂസർനെയിമിലുള്ള ഐഡി.നൗറ ബിന്റ് ഫൈസൽ എന്ന സൗദി സൗദി രാജവംശത്തിലെ പെൺകുട്ടിയെയാണ് ഈ അക്കൗണ്ട് പ്രതിനിധീകരിച്ചിരുന്നത്.
പാക്കിസ്ഥാൻ ചാര സംഘടനയായ ഇന്റർ സർവീസ് ഇന്റലിജൻസ് നിയന്ത്രിക്കുന്നതാണ് ഇത്തരത്തിലുള്ള വ്യാജ അക്കൗണ്ടുകൾ. ഇന്ത്യാവിരുദ്ധ ആശയങ്ങളും പ്രൊപ്പഗാണ്ടകളും പ്രചരിപ്പിക്കുക, ഇന്ത്യയുടെ ബഹുസ്വരത നഷ്ടപ്പെടും വിധം മറ്റു രാജ്യങ്ങൾക്ക് മുൻപിൽ പ്രതിച്ഛായ തകർക്കുക, ഇന്ത്യയിലെ ന്യൂനപക്ഷങ്ങൾക്കിടയിൽ അരക്ഷിതാവസ്ഥ സൃഷ്ടിക്കുക, കലാപങ്ങൾക്ക് ആഹ്വാനം ചെയ്യുക തുടങ്ങിയ ലക്ഷ്യത്തോടെ സൃഷ്ടിക്കുന്ന ഈ അക്കൗണ്ടുകൾക്ക് പുറകിൽലെ ബുദ്ധികേന്ദ്രം ഇന്ത്യയിലെ സകല വിധ തീവ്രവാദ പ്രവർത്തനങ്ങൾക്കും ചുക്കാൻ പിടിക്കുന്ന ഐ.എസ്.ഐ ആണെന്ന് ഇന്ത്യൻ രഹസ്യാന്വേഷണ വിഭാഗം നേരത്തെ വ്യക്തമാക്കിയതാണ്.ഇന്ത്യക്കെതിരെയുള്ള സൈബർ യുദ്ധത്തിന് ഒരു പ്രത്യേക വിഭാഗം തന്നെ പ്രവർത്തിക്കുന്നുണ്ടെന്നും ഉദ്യോഗസ്ഥർ മുന്നറിയിപ്പ് നൽകിയിരുന്നു.
Discussion about this post