ജമ്മുകശ്മീരിലെ ഹിസ്ബുൾ മുജാഹിദീൻ നേതാവായി അഷറഫ് മൗലവി എന്നറിയപ്പെടുന്ന മുഹമ്മദ് അഷ്റഫ് ഖാൻ നിയമിക്കപ്പെട്ടതായി റിപ്പോർട്ടുകൾ. സംഘടനയുടെ തലവനായിരുന്ന റിയാസ് നായ്കുവിനെ രണ്ടുദിവസം മുൻപത്തെ ഏറ്റുമുട്ടലിൽ ഇന്ത്യൻ സൈന്യം വധിച്ചിരുന്നു.ഇതോടെയാണ് അഷ്റഫ് മൗലവി ഭീകര സംഘടനയുടെ നേതൃത്വം ഏറ്റെടുക്കുന്നത്.
പാക് അധിനിവേശ കശ്മീരിലെ മുസാഫറാബാദിൽ നടന്ന ഹിസ്ബുൾ മുജാഹിദീന്റെ ഉന്നതർ പങ്കെടുത്ത യോഗത്തിലാണ് കശ്മീരിലെ നേതൃത്വം അഷ്റഫ് മൗലവിയെ ഏൽപ്പിക്കാൻ തീരുമാനമെടുത്തതെന്ന് റിപ്പോർട്ടുകൾ വ്യക്തമാക്കുന്നു.കാശ്മീരിലെ അനന്തനാഗ് സ്വദേശിയായ അഷ്റഫ് മൗലവി 2013 മുതൽ ഹിസ്ബുൾ മുജാഹിദീൻ സംഘടനയിൽ സജീവമാണ്.
