ഡൽഹി: ഡൽഹിയിൽ ഒരു മാസത്തിനിടെ നാലാമത്തെ ഭൂചലനം. രാജ്യതലസ്ഥാനത്തിന് 13 കിലോമീറ്റർ അകലെയായിരുന്നു ഭൂചലനത്തിന്റെ പ്രഭവകേന്ദ്രം. രാവിലെ 11.28ഓടെ ഉണ്ടായ ഭൂചലനം റിക്ടർ സ്കെയിലിൽ 2.2 തീവ്രത രേഖപ്പെടുത്തിയതായി ഭൗമശാസ്ത്ര കേന്ദ്രം അറിയിച്ചു.
ഈ മാസം ആദ്യം ഡൽഹിയിലെ വാസിപൂരിൽ ഉണ്ടായ ഭൂചലനം റിക്ടർ സ്കെയിലിൽ 3.4 തീവ്രത രേഖപ്പെടുത്തിയിരുന്നു. ഏപ്രിൽ 12ന് ഇവിടെ ഉണ്ടായ ഭൂചലനത്തിന്റെ തീവ്രത 3.5ഉം ഏപ്രിൽ 13ന് ഉണ്ടായ ചലനത്തിന്റെ തീവ്രത 2.7ഉം ആയിരുന്നു. താരതമ്യേന തീവ്രത കുറഞ്ഞ ഭൂചലനങ്ങളായതിനാൽ ആളപായമോ നാശനഷ്ടങ്ങളോ ഉണ്ടായിട്ടില്ലെങ്കിലും തുടർച്ചയായി ഉണ്ടാകുന്ന ചലനങ്ങളിൽ പരിഭ്രാന്തരാണ് തലസ്ഥാനത്തെ ജനങ്ങൾ.
Discussion about this post