തിരുവനന്തപുരം : ബുധനാഴ്ച മുതൽ വീണ്ടും ഓടി തുടങ്ങുന്ന കെ.എസ്.ആർ.ടിസി ബസുകളുടെ സമയ ക്രമം തീരുമാനിച്ചു.ഇനിയൊരു അറിയിപ്പ് ഉണ്ടാകുന്നതു വരെ രാവിലെ 7:30 മുതൽ 10:30 വരെയും വൈകുന്നേരം 4:00 മുതൽ 7:00 വരെയുമാണ് കെഎസ്ആർടിസി ബസുകൾ സർവീസ് നടത്തുക.ലോക്ക്ഡൗൺ നിയന്ത്രണങ്ങൾ പാലിക്കണമെന്നതു കൊണ്ടും ബസുകളിലെ തിരക്ക് നിയന്ത്രിക്കണമെന്നത് കൊണ്ടുമാണ് ഇങ്ങനെയൊരു നടപടി.
25,000 കിലോമീറ്റർ സർവീസ് മാത്രമേ ഒരു ജില്ലയിൽ നടത്തൂ.കോവിഡ് -19 ന്റെ പശ്ചാത്തലത്തിൽ ബസ് നിരക്കുകൾ കഴിഞ്ഞ ദിവസം വർദ്ധിപ്പിച്ചിരുന്നു.അതിനാൽ പുതുക്കിയ നിരക്കുകളോടെയായിരിക്കും ബസുകൾ സർവീസ് നടത്തുക.മിനിമം ചാർജ് 12 രൂപയാക്കിയാണ് വർദ്ധിപ്പിച്ചത്.23 മുതൽ 27 വരെ യാത്രക്കാരെ മാത്രമേ ബസുകളിൽ യാത്ര ചെയ്യാൻ അനുവദിക്കുകയുള്ളൂ.മാത്രമല്ല, ബസുകളിൽ മാസ്ക്കും നിർബന്ധമാക്കിയിട്ടുണ്ട്.ബസിലെ ടിക്കറ്റ് നിരക്കുകൾ വർദ്ധിപ്പിച്ചെങ്കിലും കെ.എസ്.ആർ.ടിസിക്ക് ഒരു ദിവസം 42 ലക്ഷം രൂപ നഷ്ടം വരുമെന്നാണ് സർക്കാർ കണക്കുകൂട്ടുന്നത്.
