തിരുവനന്തപുരം: ഇന്ന് കേരളത്തില് 53 പേര്ക്ക് കൊറോണ സ്ഥിരീകരിച്ചു .തിരുവനന്തപുരം, കണ്ണൂര് ജില്ലകളില് നിന്നുള്ള 12 പേര്ക്ക് വീതവും മലപ്പുറം, കാസര്ഗോഡ് ജില്ലകളില് നിന്നുള്ള 5 പേര്ക്ക് വീതവും, ആലപ്പുഴ, എറണാകുളം, പാലക്കാട് ജില്ലകളില് നിന്നുള്ള 4 പേര്ക്ക് വീതവും കൊല്ലം ജില്ലയില് നിന്നുള്ള 3 പേര്ക്കും പത്തനതിട്ട ജില്ലയില് നിന്നുള്ള 2 പേര്ക്കും കോഴിക്കോട് ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്. പാലക്കാട് രോഗം സ്ഥിരീകരിച്ചതില് ഒരാള് ആരോഗ്യപ്രവര്ത്തകയാണ്. 5 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
ഒരു തമിഴ്നാട് സ്വദേശിക്കും രോഗം സ്ഥിരീകരിച്ചു. 18 പേര് വിദേശത്ത് നിന്നും (ഒമാന്-3, യു.എ.ഇ.-11, സൗദി അറേബ്യ-3, കുവൈറ്റ്-1) 29 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-19, ഗുജറാത്ത്-5, തമിഴ്നാട്-3, ഡല്ഹി-1, മധ്യപ്രദേശ്-1) വന്നതാണ്.
കൊറോണ സ്ഥിരീകരിച്ച് കോഴിക്കോട് ജില്ലയില് ചികിത്സയിലായിരുന്ന വയനാട് സ്വദേശിനി നിര്യാതയായി. മെയ് 20ന് ദുബായില് നിന്ന് കേരളത്തില് ചികിത്സക്കായെത്തിയ ഇവര് കാന്സര് രോഗ ബാധിതയായിരുന്നു.
അതേസമയം രോഗം സ്ഥിരികരിച്ച് ചികിത്സയിലായിരുന്ന 5 പേരുടെ പരിശോധനാഫലം നെഗറ്റീവ് ആയിട്ടുണ്ട്. വയനാട് ജില്ലയില് നിന്നുള്ള 3 പേരുടെയും കാസര്ഗോഡ് ജില്ലയില് നിന്നുള്ള 2 പേരുടെയും പരിശോധനാ ഫലമാണ് നെഗറ്റീവ് ആയത്. ഇതോടെ 322 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 520 പേര് ഇതുവരെ കോവിഡില് നിന്നും മുക്തി നേടി.
കഴിഞ്ഞ 24 മണിക്കൂറിനുള്ളില് 1726 സാമ്പിളുകളാണ് പരിശോധിച്ചത്. ഇതുവരെ 53,873 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്.
Discussion about this post