കൊച്ചി : മിന്നൽ മുരളി സിനിമയുടെ സെറ്റ് പൊളിച്ചവർക്കെതിരെ പെരുമ്പാവൂർ പോലീസ് കേസെടുത്തു.കാലടിയിൽ ക്രിസ്ത്യൻ ദേവാലയത്തിന്റെ സെറ്റ് പൊളിച്ച അന്താരാഷ്ട്രീയ ഹിന്ദു പരിഷത്തിന്റെ പ്രവർത്തകർക്കെതിരെയാണ് പോലീസ് കേസെടുത്തത്.
ടോവിനോ തോമസിനെ നായകനാക്കി ബേസിൽ ജോസഫ് സംവിധാനം ചെയ്യുന്ന ചിത്രമാണ് മിന്നൽ മുരളി.ഇതിന്റെ ക്ലൈമാക്സ് ചിത്രീകരിക്കുന്നതിനു വേണ്ടി ദേവാലയത്തിന്റെ സെറ്റ് ഇട്ടിരുന്നുവെങ്കിലും ലോക്ക്ഡൗൺ മൂലം ചിത്രീകരണം പൂർത്തിയാക്കാൻ കഴിഞ്ഞിരുന്നില്ല.ഈ സെറ്റാണ് അന്താരാഷ്ട്രീയ ഹിന്ദു പരിഷത്തിന്റെ 5 പ്രവർത്തകർ തകർത്തത്.സാമൂഹ്യമാധ്യമങ്ങളിലൂടെ ഇവർ തന്നെ ദേവാലയം തകർക്കുന്നതിന്റെ ചിത്രങ്ങൾ പുറത്തു വിടുകയായിരുന്നു.സംഭവത്തിൽ സിനിമാ മേഖലയിൽ നിന്നും വൻപ്രതിഷേധമാണ് ഉയരുന്നത്.കുറ്റക്കാർക്കെതിരെ ശക്തമായ നടപടി വേണമെന്നാവശ്യപ്പെട്ട് ഫെഫ്ക രംഗത്തു വന്നിട്ടുണ്ട്.നിയമ നടപടികളുമായി മുന്നോട്ട് പോകാനാണ് സിനിമയുടെ അണിയറ പ്രവർത്തകരുടെ തീരുമാനം.
Discussion about this post