ഉപഭോക്താക്കൾക്ക് മദ്യം വീട്ടിലെത്തിക്കാൻ ഒരുങ്ങി ഒഡിഷ സർക്കാർ. മദ്യം വീട്ടിലെത്തിച്ചു കൊടുക്കാൻ ജാർഖണ്ഡ് തീരുമാനിച്ചതിനു തൊട്ടു പിറകെയാണ് ഒഡിഷ സർക്കാരിന്റെ തീരുമാനം.സൊമാറ്റോ ഡെലിവറി ശൃംഖല വഴിയായിരിക്കും ഒഡിഷ സർക്കാർ മദ്യം വീട്ടിൽ എത്തിച്ചു കൊടുക്കുക.
ഒഡീഷയുടെ തലസ്ഥാനമായ ഭുവനേശ്വറിൽ നിന്നാണ് ഈ പദ്ധതി ആരംഭിക്കുകയെന്ന് അധികൃതർ അറിയിച്ചു.റൂർക്കല, ബാലസോർ, സമ്പൽപ്പൂർ, കട്ടക്ക് എന്നീ പ്രധാന നഗരങ്ങളിലേക്കും ക്രമേണ സർവീസ് വ്യാപിപ്പിക്കും.സൊമാറ്റോ അധികൃതരും സംസ്ഥാന എക്സൈസ് വകുപ്പുമായി ചേർന്ന് ഇതിനെക്കുറിച്ചുള്ള വിശദമായ ചർച്ചകൾ പുരോഗമിക്കുകയാണ്.ഉപഭോക്താവിനെ പേരുവിവരങ്ങളും വാങ്ങുന്ന മദ്യത്തിന് അളവും എല്ലാം തന്നെ കൃത്യമായി രേഖപ്പെടുത്തും.സുരക്ഷാ മാനദണ്ഡങ്ങൾ പൂർണമായും ഉറപ്പു വരുത്തിക്കൊണ്ടായിരിക്കും സൊമാറ്റോ സേവനം ലഭ്യമാക്കുക.
Discussion about this post