തിരുവനന്തപുരം: സംസ്ഥാനത്ത് ഇന്ന് 61 പേർക്ക് കൂടി കൊറോണ സ്ഥിരീകരിച്ചു. ആരോഗ്യവകുപ്പ് വാർത്താക്കുറിപ്പിലാണ് ഇക്കാര്യം അറിയിച്ചത്.
പാലക്കാട്-12, കാസർഗോഡ്-10, കണ്ണൂർ-7, കൊല്ലം- 6, ആലപ്പുഴ-6, തിരുവനന്തപുരത്തും പത്തനംതിട്ടയിലും നാലുപേർക്ക് വീതവും തൃശൂര്, മലപ്പുറം, വയനാട് ജില്ലകളില് നിന്നുള്ള 3 പേര്ക്ക് വീതവും കോഴിക്കോട് ജില്ലയില് നിന്നുള്ള 2 പേര്ക്കും എറണാകുളം ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്.
15 പേർ രോഗമുക്തി നേടി. കണ്ണൂര് ജില്ലയില് നിന്നുള്ള 5 പേരുടെയും (ഒരു കാസര്ഗോഡ് സ്വദേശി), കോഴിക്കോട് ജില്ലയില് നിന്നുള്ള 4 പേരുടെയും പത്തനംതിട്ട, മലപ്പുറം ജില്ലകളില് നിന്നുള്ള 2 പേരുടെ വീതവും തിരുവനന്തപുരം, എറണാകുളം ജില്ലകളില് നിന്നുള്ള ഓരോരുത്തരുടെ വീതവും പരിശോധനഫലമാണ് നെഗറ്റീവ് ആയത്. ഇതോടെ 670 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 590 പേര് ഇതുവരെ കോവിഡില് നിന്നും മുക്തി നേടി.
വിദേശത്തു നിന്നും വന്ന 20 പേർക്കും അന്യ സംസ്ഥാനങ്ങളിൽ നിന്ന് വന്ന 37 പേർക്കും ആണ് രോഗം സ്ഥിരീകരിച്ചത്. 4 പേർക്ക് സമ്പർക്കത്തിലൂടെയാണ് വൈറസ് പിടിപെട്ടത്.
ഇന്ന് 10 പ്രദേശങ്ങളെ കൂടി ഹോട്ട് സ്പോട്ടുകളാക്കി. കാസര്ഗോഡ് ജില്ലയിലെ ബദിയടുക്ക, പിലിക്കോട്, പാലക്കാട് ജില്ലയിലെ പല്ലശ്ശന, പുതുനഗരം, കണ്ണൂര് ജില്ലയിലെ തലശേരി മുന്സിപ്പാലിറ്റി, കൊല്ലം ജില്ലയിലെ പന്മന, പുനലൂര് മുന്സിപ്പാലിറ്റി, കുളത്തൂപ്പുഴ, ആര്യങ്കാവ്, തെന്മല എന്നീ പ്രദേശങ്ങളാണ് പുതിയ ഹോട്ട് സ്പോട്ടുകള്. കൊല്ലം ജില്ലയിലെ കുളത്തൂപ്പുഴ, ആര്യങ്കാവ്, തെന്മല എന്നീ ഹോട്ട് സ്പോട്ടുകളില് കണ്ടൈന്മെന്റ് സോണുകളില്ല. നിലവില് ആകെ 116 ഹോട്ട് സ്പോട്ടുകളാണ് ഉള്ളത്.
Discussion about this post