ചൈനീസ് നിർമ്മിത സോഫ്റ്റ്‌വെയറുകൾ ഫോണിൽ നിന്നും നീക്കം ചെയ്യാനുള്ള ആപ്ലിക്കേഷനായ റിമൂവ് ചൈന ആപ്പ്സ് പ്ലേസ്റ്റോറിൽ നിന്നും ഗൂഗിൾ നീക്കം ചെയ്തു.ചട്ടങ്ങൾക്ക് വിരുദ്ധമായി പ്രവർത്തിക്കുന്നെന്ന് ചൂണ്ടിക്കാട്ടിയാണ് ഗൂഗിളിന്റെ ഈ നടപടി.
പ്രശസ്ത ശാസ്ത്രജ്ഞനായ സോനം വാങ്ചുകിന്റെ “ബോയ്കോട്ട് ചൈന” ആഹ്വാനത്തെ തുടർന്ന് ചൈനീസ് നിർമ്മിത ഉപകരണങ്ങളും സോഫ്റ്റ്‌വെയറുകളും ഇന്ത്യക്കാർ പാടെ ഉപേക്ഷിച്ചു തുടങ്ങിയിരുന്നു. ഈ അവസരത്തിലാണ് ജയ്പൂർ കേന്ദ്രീകരിച്ചുള്ള വൺ ടച്ച് ആപ്പ് ലാബ്‌സ് എന്ന കമ്പനി, ചൈനീസ് നിർമ്മിത സോഫ്റ്റ്‌വെയറുകൾ എല്ലാം ഒറ്റയടിക്ക് നീക്കം ചെയ്യാനുള്ള റിമൂവ് ചൈന ആപ്സ് എന്ന സോഫ്റ്റ്‌വെയർ പ്ലേസ്റ്റോറിൽ ലഭ്യമാക്കിയത്. വൻ ജനപ്രീതി നേടിയ ഈ ആപ്പ്, ദിവസങ്ങൾ കൊണ്ട് 50 ലക്ഷത്തിലധികം പേർ ഡൗൺലോഡു ചെയ്തതോടെ ഒരുപാട് ചൈനീസ് ആപ്പുകൾ ആൻഡ്രോയ്ഡ് ഫോണുകളിൽ നിന്നും കൂട്ടത്തോടെ ഒഴിവാക്കപ്പെട്ടു തുടങ്ങി. ചുരുങ്ങിയ സമയം കൊണ്ട് പ്ലേസ്റ്റോറിൽ ഏറ്റവും മികച്ചതായി റിമൂവ് ചൈന ആപ്പ് തെരഞ്ഞെടുക്കപ്പെട്ടു. ഇതോടെയാണ് ചൈനീസ് നിർമ്മിത ആപ്പുകളുടെ ബാഹുല്യം കണക്കിലെടുത്ത് റിമൂവ് ചൈന ആപ്സിനെ ചട്ടവിരുദ്ധമെന്ന് പ്രഖ്യാപിച്ച് ഗൂഗിളിന്റെ ഈ നീക്കം.
Discussion about this post