അഹമ്മദാബാദ് : ഗുജറാത്തിലെ പോർബന്തറിലുള്ള നാവികസേനാ ആസ്ഥാനത്ത് പരിശീലനത്തിലുണ്ടായിരുന്ന 16 നാവികർക്ക് കോവിഡ് സ്ഥിരീകരിച്ചു.പോർബന്തറിൽ സൈനിക ആശുപത്രി ഇല്ലാത്തതിനാൽ ജമ്നാ നഗറിലെ സൗകര്യങ്ങളുള്ള ഒരു ആശുപത്രിയിലേക്ക് രോഗം ബാധിച്ചവരെ മാറ്റിയിട്ടുണ്ടെന്ന് സംസ്ഥാന പ്രതിരോധ വകുപ്പിന്റെ വക്താവായ പുനീത് ഛദ്ദ അറിയിച്ചു.
പോർബന്തറിലെ നാവിക സൈന്യത്താവളത്തിലെ 8 നാവികർക്ക് മുമ്പ് കോവിഡ് -19 സ്ഥിരീകരിച്ചിരുന്നു.ഇതേതുടർന്ന്, ഇവരുമായി അടുത്തിടപഴകിയവരെ ഉദ്യോഗസ്ഥർ കണ്ടെത്തുകയും സാമ്പിളുകൾ പരിശോധനക്ക് അയക്കുകയും ചെയ്യുകയായിരുന്നു.ഈ പരിശോധനയിലാണ് 8 നാവികർക്കു കൂടി രോഗബാധയുണ്ടെന്ന് തെളിഞ്ഞത്. മുൻകരുതലിന്റെ ഭാഗമായി രോഗം ബാധിച്ചവരുമായി ബന്ധപ്പെട്ടിട്ടുള്ള എല്ലാവരോടും ക്വാറന്റൈനിൽ പോവാൻ നിർദേശിച്ചിട്ടുണ്ടെന്ന് പുനീത് ഛദ്ദ വ്യക്തമാക്കി.
Discussion about this post