കാളിയമ്പി
കരിവള്ളൂരിലാണ് സംഭവം. കൊന്നത് ഒരു യു പി സ്കൂള് മാഷാണത്രേ. മാഷുമാരെ സ്കൂളിനകത്തിട്ട് വെട്ടിക്കൊല്ലുന്നവര് കൊലയാളികളെ യു പി സ്കൂള് മാഷാക്കിയില്ലെങ്കിലേ അത്ഭുതമുള്ളൂ.
ഇതാണ് മാനവികതയുടെ സ്വര്ഗ്ഗമെന്നു സഖാക്കള് വിളമ്പുന്ന പാര്ട്ടി ഗ്രാമത്തിലെ അടിമ ജീവിതം. ഇത് കേരളം മുഴുവന് വന്നിരുന്നെങ്കിലത്തെ അവസ്ഥ ഭീതിജനകമാണ്.
ഈ വീഡിയോയില് ആ അമ്മ പറയുന്ന ഭാഷയാണ് ശ്രദ്ധിക്കേണ്ടത്. അവരേക്കാള് പതിറ്റാണ്ടുകള് താഴെ പ്രായമുള്ള പാര്ട്ടിഗൂണ്ടയെ ‘മനോഹരേട്ടന്’ എന്നാണ് പറയുന്നത് !..തന്റെ ആകെയുള്ളവന്റെ കൊലയ്ക്ക് ശേഷം പോലും അവനെ പേരു പറയാന് ആ അമ്മയ്ക്ക് ധൈര്യം വരുന്നില്ല…
ആ കുട്ടി ‘അയാള്’ എന്ന് പറഞ്ഞത് തിരുത്തി പെട്ടെന്ന് ‘മാഷ്’ എന്ന് പറഞ്ഞതും കൂടി ശ്രദ്ധിച്ചാല് മനസ്സിലാകും എത്രത്തോളം ഭീതിയാണ് ഈ ഗൂണ്ടാസംഘം ആ മനുഷ്യരുടെ മനസ്സില് നിറച്ചിരിക്കുന്നതെന്ന്.
പണം കൈക്കലാക്കുക, നിരന്തരം മര്ദ്ദിക്കുക, വീട്ടിലേക്കായി ശര്ക്കര വാങ്ങിപ്പോയ വൃദ്ധനെ മുന്വൈരാഗ്യം വച്ച് തല്ലിക്കൊന്നിട്ട് വാറ്റാനാണ് ശര്ക്കരവാങ്ങിയതെന്ന് കള്ളക്കഥയുണ്ടാക്കുക. ഒരു ചായ്പ്പില് കക്ക നീറ്റിക്കഴിയുന്ന ജീവിതം കൂടി അങ്ങനെ പാര്ട്ടിക്കോടതിയില് അവസാനിച്ചു,
ഇവനൊക്കെ അധികാരത്തിലെത്തിയിടങ്ങളിലെ ദുഷ്ടതയും കൂട്ടക്കൊലകളും എന്നും ഇതുപോലെതന്നെയായിരുന്നു. പത്ത് ദശലക്ഷം ആള്ക്കാരെ കൊന്നൊടുക്കിയ ഈ കമ്യൂണിസം എന്ന മാനസികരോഗത്തിനു ചികിത്സ തേടാന് മലയാളം തയ്യാറാവണം.
#കരിവെള്ളൂര്_ദളിത്_കൊലപാതകം
#കമ്യൂണിസ്റ്റ്_ഭീകരത
പിന് കുറിപ്പ്: റിപ്പോര്ട്ട് കേട്ടാല് കമ്മി മനോഹരന് കൊല്ലപ്പെട്ടയാളുടെ ഭാര്യാ സഹോദരന് ആണെന്ന് തോന്നിയേക്കാം. അങ്ങനെയല്ല പറയുന്നത്. കൊല്ലപ്പെട്ട തമ്പാന് ചേട്ടന്റെ ഭാര്യാസഹോദരനെ (അളിയനെ) ഭീഷണിപ്പെടുത്തി അയാള്ക്ക് കിട്ടിയ ചിട്ടിക്കാശ് മനോഹരനും വാര്ഡ് മെമ്പറായ അയാളുടെ ചേട്ടനും ചേര്ന്ന് പിടിച്ചെടുത്തു എന്നാണ്.
