ബെംഗളൂരു: നടി മേഘ്ന രാജിന്റെ ഭര്ത്താവും നടനുമായ ചിരഞ്ജീവി സര്ജ (39) ഹൃദയാഘാതം മൂലം അന്തരിച്ചു. ശ്വാസതടസം അനുഭവപ്പെട്ടതിനെത്തുടര്ന്ന് ശനിയാഴ്ചയാണ് അദ്ദേഹത്തെ ആശുപത്രിയില് പ്രവേശിപ്പിച്ചത്.
ഹൃദ്രോഗമാണെന്ന് കുടുംബം അറിഞ്ഞിരുന്നില്ല. എന്നാല് പിന്നീട് ഹൃദയാഘാതമാണെന്ന് കണ്ടെത്തുകയായിരുന്നു. അദ്ദേഹത്തിന്റെ ജീവന് രക്ഷിക്കാന് ഡോക്ടര്മാര് പരമാവധി ശ്രമം നടത്തിയെങ്കിലും ഞായറാഴ്ച മരണം സംഭവിക്കുകയായിരുന്നു.
മൃതദേഹം നിലവില് ജയനഗറിലെ അപ്പോളോ ആശുപത്രിയിലാണ്. മൃതദേഹം ഉടന് ബന്ധുക്കൾക്ക് കൈമാറും.
2018 ലാണ് നടി മേഘ്ന രാജുമായി ചിരഞ്ജീവി സര്ജ വിവാഹിതനായത്. 2009-ല് ആരംഭിച്ച ‘ആയുദപ്രാമ’ എന്ന ചിത്രത്തിലൂടെയാണ് ചിരഞ്ജീവി സര്ജ അഭിനയ ജീവിതം ആരംഭിച്ചത്. പിന്നീട് സീസര്, സിംഗ, അമ്മ ഐ ലവ് യു ഉള്പ്പെടെ 20 ലധികം ചിത്രങ്ങളില് അഭിനയിച്ചു.
Discussion about this post