ന്യൂഡൽഹി : ബോളിവുഡ് നടൻ സുശാന്ത് സിങ് രാജ്പുത്തിന്റെ മരണത്തിനു കാരണം ബോളിവുഡിലെ പക്ഷാപാതമാണെന്ന അഭ്യൂഹങ്ങൾ നിലനിൽക്കെ, സംവിധായകൻ കരൺ ജോഹറിനും നടി ആലിയ ഭട്ടിനും ശക്തമായ വിമർശനങ്ങളാണ് നേരിടേണ്ടി വന്നിരിക്കുന്നത്.ഇരുവരും ഇപ്പോൾ ട്വിറ്ററിലും ഫേസ്ബുക്കിലും കനത്ത സൈബർ ആക്രമണം നേരിടുകയാണ്.
കരൺ ജോഹർ അവതരിപ്പിക്കുന്ന ‘കോഫി വിത്ത് കരൺ’ എന്ന പരിപാടിയിൽ ആലിയ ബട്ടിനോട് സുശാന്ത് സിങ് രാജ്പുത്, രൺവീർ സിങ്, വരുൺ ധവാൻ എന്നിവരെ റേറ്റ് ചെയ്യാൻ കരൺ ആവശ്യപ്പെട്ടപ്പോൾ, സുശാന്ത് സിങ് രാജ്പുത് ആരാണെന്നറിയാത്ത മട്ടിൽ ആലിയ തിരിച്ചു ചോദിക്കുകയായിരുന്നു.പരിപാടിയുടെ ഈ എപ്പിസോഡ് മുന്നിൽ നിർത്തിയാണ് ആലിയ ബട്ടിനെയും കരൺ ജോഹറിനെയും ഇപ്പോൾ വിമർശിക്കുന്നത്. വളർന്നു വരുന്ന താരങ്ങളെ ഒതുക്കുന്ന പ്രവണത ബോളിവുഡിൽ ഉണ്ടെന്നും, ഇതിനു വേണ്ടി മാത്രം ഒരു നെക്സസ് പ്രവർത്തിക്കുന്നുണ്ടെന്നും പലരും അഭിപ്രായപ്പെട്ടിരുന്നു. സുശാന്തിനെ ചിലർ ഒതുക്കിയതാണെന്നും മാനസിക പീഡനമാണ് നടന്റെ ആത്മഹത്യയ്ക്ക് കാരണമെന്നും ബോളിവുഡ് താരങ്ങളായ നിഖിൽ ദ്വിവേദി, കങ്കണ റണാവത് തുടങ്ങി പലരും തുറന്നടിച്ചിരുന്നു.
Discussion about this post