തിരുവനന്തപുരം : കോവിഡ് പരിശോധന നടത്താതെ പ്രവാസികൾക്ക് പിപിഇ കിറ്റ് ധരിച്ചു മടങ്ങിവരാനുള്ള അനുമതി നൽകാൻ സംസ്ഥാന മന്ത്രിസഭാ യോഗത്തിൽ തീരുമാനിച്ചു.കോവിഡ് പരിശോധനാ സംവിധാനം ഇല്ലാത്ത രാജ്യങ്ങളിൽ നിന്നും തിരികെ വരുന്ന പ്രവാസികൾക്കായിരിക്കും ഈ ഇളവ് ലഭിക്കുക.നാട്ടിലേക്ക് തിരികെ വരാൻ കോവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കുന്നത് പ്രായോഗികമല്ലെന്ന് കേന്ദ്ര സർക്കാർ അറിയിച്ചിരുന്നു.ഈ പശ്ചാത്തലത്തിലാണ് സംസ്ഥാന സർക്കാർ പ്രവാസികൾക്ക് പിപിഇ കിറ്റ് ധരിച്ച് മടങ്ങിവരാനുള്ള അനുമതി നൽകാൻ തീരുമാനിച്ചത്.പിപിഇ കിറ്റ് വിമാനകമ്പനികൾ നൽകണമെന്ന് സംസ്ഥാന സർക്കാർ അറിയിച്ചു.
മുമ്പ് ട്രൂനാറ്റ് ടെസ്റ്റ്‌ നടത്തി കോവിഡ് നെഗറ്റീവ് സർട്ടിഫിക്കറ്റ് ഹാജരാക്കിയാൽ മാത്രമേ പ്രവാസികൾകളെ തിരികെ വരാൻ അനുവദിച്ചിരുന്നുള്ളൂ.സർക്കാരിന്റെ പുതിയ തീരുമാനമനുസരിച്ച് സൗദി അറേബ്യ, ഒമാൻ, ബഹ്റൈൻ തുടങ്ങിയ ഗൾഫ് രാജ്യങ്ങളിലുള്ള പ്രവാസി മലയാളികൾക്ക് പിപിഇ കിറ്റ് ധരിച്ച് നാട്ടിലേക്ക് മടങ്ങാൻ കഴിയും.
Discussion about this post