തിരുവനന്തപുരം: സംസ്ഥാനത്ത് കുതിച്ചു കയറി കൊവിഡ് കണക്കുകൾ. ഇന്ന് 240 പേർക്കാണ് സംസ്ഥാനത്ത് രോഗബാധ സ്ഥിരീകരിച്ചത്. ഇതിൽ 17 പേർക്ക് സമ്പർക്കത്തിലൂടെയാണ് രോഗബാധ. ഇന്ന് രോഗം സ്ഥിരീകരിച്ചവരില് 152 പേര് വിദേശ രാജ്യങ്ങളില് നിന്നും 52 പേര് മറ്റ് സംസ്ഥാനങ്ങളില് നിന്നും വന്നതാണ്.
മലപ്പുറം ജില്ലയില് നിന്നുള്ള 37 പേര്ക്കും, കണ്ണൂര് ജില്ലയില് നിന്നുള്ള 35 പേര്ക്കും, പാലക്കാട് ജില്ലയില് നിന്നുള്ള 29 പേര്ക്കും, പത്തനംതിട്ട ജില്ലയില് നിന്നുള്ള 22 പേര്ക്കും, ആലപ്പുഴ, തൃശൂര് ജില്ലകളില് നിന്നുള്ള 20 പേര്ക്ക് വീതവും, തിരുവനന്തപുരം, കൊല്ലം ജില്ലകളില് നിന്നുള്ള 16 പേര്ക്ക് വീതവും, കാസര്ഗോഡ് ജില്ലയില് നിന്നുള്ള 14 പേര്ക്കും, എറണാകുളം ജില്ലയില് നിന്നുള്ള 13 പേര്ക്കും, കോഴിക്കോട് ജില്ലയില് നിന്നുള്ള 8 പേര്ക്കും, കോട്ടയം ജില്ലയില് നിന്നുള്ള 6 പേര്ക്കും ഇടുക്കി, വയനാട് ജില്ലകളില് നിന്നുള്ള 2 പേര്ക്കുമാണ് ഇന്ന് രോഗം സ്ഥിരീകരിച്ചത്.
തിരുവനന്തപുരം ജില്ലയിലെ 4 പേര്ക്കും, തൃശൂര് ജില്ലയിലെ 3 പേര്ക്കും, കൊല്ലം, ആലപ്പുഴ ജില്ലകളിലെ 2 പേര്ക്ക് വീതവും മലപ്പുറം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്. ഇതുകൂടാതെ കണ്ണൂര് ജില്ലയിലെ 11 ഡി.എസ്.സി.ക്കാര്ക്കും 4 സി.ഐ.എസ്.എഫ്.ക്കാര്ക്കും തൃശൂര് ജില്ലയിലെ 4 ബി.എസ്.എഫ്.കാര്ക്കും രോഗം ബാധിച്ചിട്ടുണ്ട്.
ഇന്ന് സംസ്ഥാനത്ത് 209 പേർ രോഗമുക്തി നേടിയതായും നിലവിൽ 2129 പേർ ചികിത്സയിലുള്ളതായും ആരോഗ്യവകുപ്പ് മന്ത്രി കെ കെ ശൈലജ അറിയിച്ചു.
Discussion about this post