തിരുവനന്തപുരം: സ്വര്ണ കള്ളകടത്ത് കേസുമായി ബന്ധപ്പെട്ട് ഒരു സ്ത്രീയെ കൂടി കസ്റ്റംസ് പിടികൂടി. തിരുവനന്തപുരത്ത് നിന്ന് ഇയാളെ പോലീസ് കസ്റ്റഡിയിലെടുത്തത്. സ്വപ്ന സുരേഷിന് പങ്കാളിത്തമുണ്ടെന്ന് ആരോപണമുയര്ന്ന കാര്ബണ് ഡോക്ടര് എന്ന വര്ക് ഷോപ്പ് ഉടമയുടെ ഭാര്യയാണ് കസ്റ്റഡിയിലായത്. അതേസമയം, വര്ക് ഷോപ്പ് ഉടമ സന്ദീപ് നായര് ഒളിവിലാണ്. സ്വപ്നയുടെ ബിനാമിയാണ് സന്ദീപെന്നും സംശയമുണ്ട്.
കാറുകളുടെ എഞ്ചിനില് നിന്ന് കാര്ബണ് മാലിന്യം നീക്കം ചെയ്യുന്ന സ്റ്റാര്ട്ടപ്പായ കാര്ബണ് ഡോക്ടര് എന്ന സ്ഥാപനം നടത്തുന്ന വ്യക്തിയാമ് സന്ദീപ്. ഈ സ്ഥാപനവുമായി സ്വപ്ന സുരേഷിന്റെ ബന്ധമെന്താണെന്ന് പോലീസ് സംശയിക്കുന്നു. നെടുമങ്ങാട്ടും മറ്റ് സ്ഥലങ്ങളിലും ഈ സ്ഥാപവത്തിന് ശാഖകള് ഉണ്ട്. കാര്ബണ് ഡോക്ടര് എന്ന വര്ക് ഷോപ്പില് സ്വപ്നക്കും സരിത്തിനും പങ്കാളിത്വമുണ്ടെന്നാണ് കസ്റ്റംസിന്റെ സംശയം. അടുത്തിടെ സന്ദീപ് ഒരു ആഡംബര കാറും വാങ്ങിയിരുന്നു. സന്ദീപിന്റെ സാമ്പത്തിക വളര്ച്ചയില് ഒട്ടേറെ സംശയങ്ങള് നിലനില്ക്കുന്ന സാഹചര്യത്തില് ആണ് ചോദ്യം ചെയ്യാനായി കസ്റ്റംസ് ശ്രമിക്കുന്നത്.
കാര്ബണ് ഡോക്ടര് എന്ന സ്ഥാപനത്തിന്റെ ഉദ്ഘാടത്തിന് സ്പീക്കര് പി.ശ്രീരാമകൃഷ്ണന് എത്തിയതും ഏറെ വിവാദമായിരുന്നു.സ്ഥാപനത്തിന്റെ ഉടമയല്ലാതിരുന്നിട്ടും സ്വപ്നയാണ് സ്പീക്കറെ ചടങ്ങിന് ക്ഷണിച്ചത്. 2019 ഡിസംബര് 31നാണ് നെടുമങ്ങാട്ടുള്ള കാര്ബണ് ഡോക്ടര് എന്ന സ്ഥാപനത്തിന്റെ ഉദ്ഘാടച്ചടങ്ങില് സ്പീക്കര് പങ്കെടുത്തത്. സ്വര്ണക്കടത്ത് കേസ് പുറത്ത് വന്ന ശേഷം സന്ദീപ് നായര് സ്ഥാപനത്തിലേക്ക് വന്നിട്ടില്ല. ഫോണ് ഓഫാണ്. എവിടെയാണെന്ന് സ്ഥാപനത്തിലെ ജീവനക്കാര്ക്കോ, കുടുംബാംഗങ്ങള്ക്കോ അറിയുകയുമില്ല. ഇതോടെ സന്ദീപിന് സ്വപ്നയുമായി സാമ്പത്തിക ഇടപാടുണ്ടെന്ന സംശയം ശക്തമാവുകയാണ്. പൊലീസും കസ്റ്റംസും ഇത് സംബന്ധിച്ച അന്വേഷണം ഊര്ജ്ജിതമാക്കിയിട്ടുമുണ്ട്.
Discussion about this post