കൊല്ലം: കൊല്ലം ജില്ലാ ആശുപത്രിയിലെ ശുചീകരണ തൊഴിലാളിയ്ക്ക് കൊറോണ കണ്ടെത്തി. ട്രൂനാറ്റ് പരിശോധനയിലാണ് ഇവർക്ക് രോഗബാധ കണ്ടെത്തിയത്.
സംഭവത്തിൽ അധികൃതരുടെ ഭാഗത്ത് നിന്നും വീഴ്ചയുണ്ടായതായി ആരോപണം ഉയരുന്നുണ്ട്. തിരുവനന്തപുരം പൂന്തുറ സ്വദേശിയായ ഇവർ ജോലിക്ക് വന്നത് കെഎസ്ആർടിസി ബസിലാണ്. നിരവധി പേരുമായി ഇവർ സമ്പർക്കത്തിലേർപ്പെട്ടിട്ടുണ്ട്. ഭർത്താവിനും കുഞ്ഞിനും രോഗം സ്ഥിരീകരിച്ച ശേഷവും ഇവരോട് ജോലിക്ക് വരാൻ നിർദ്ദേശം നൽകിയത് അനാസ്ഥയായി ചൂണ്ടിക്കാണിക്കപ്പെടുന്നുണ്ട്.
അതേസമയം മുൻകരുതൽ നടപടികളുടെ ഭാഗമായി ഇവരുമായി സമ്പർക്കത്തിൽ വന്ന 14 പേരെ സ്വയം നിരീക്ഷണത്തിൽ ആക്കാൻ നിർദ്ദേശം നൽകിയിട്ടുണ്ട്. ട്രൂനാറ്റ് പരിശോധനയിൽ രോഗബാധ കണ്ടെത്തിയതിനെ തുടർന്ന് സ്ഥിരീകരണത്തിനായി ഇവരുടെ സ്രവം പിസിആർ പരിശിധനയ്ക്ക് അയച്ചിരിക്കുകയാണ്.
Discussion about this post