ഏഷ്യ കപ്പ് ജൂൺ 2021 വരെ മാറ്റി വെച്ചതായി ഏഷ്യൻ ക്രിക്കറ്റ്‌ കൗൺസിൽ.ഈ മാസം സെപ്റ്റംബറിൽ നടത്തേണ്ടിയിരുന്ന മത്സരമാണ് കോവിഡ് -19 മഹാമാരി മൂലം മാറ്റിവെച്ചത്.കോവിഡ് വ്യാപനം രൂക്ഷമായി കൊണ്ടിരിക്കുന്ന ഈ പശ്ചാത്തലത്തിൽ ഏഷ്യ കപ്പ് മത്സരം നടത്തുന്നത് ഉചിതമായിരിക്കില്ലായെന്ന് കണ്ടെത്തിയതിനെ തുടർന്നാണ് ഏഷ്യൻ ക്രിക്കറ്റ്‌ കൗൺസിൽ ഇങ്ങനെയൊരു തീരുമാനമെടുത്തത്.
2021 ലേക്ക് മാറ്റിവെച്ച മത്സരം ഭംഗിയായി നടത്താനുള്ള നടപടികൾ സ്വീകരിക്കുമെന്നും ഏഷ്യൻ ക്രിക്കറ്റ്‌ കൗൺസിൽ കൂട്ടിച്ചേർത്തു.പാകിസ്ഥാനിലായിരുന്നു ശരിക്കും ഏഷ്യ കപ്പ് നടക്കേണ്ടിയിരുന്നത്.സുരക്ഷാ പ്രശ്നങ്ങൾ നിലനിൽക്കുന്നതിനാൽ 2021 ജൂണിൽ മത്സരം നടക്കുക ശ്രീലങ്കയിലായിരിക്കും.
