ദുബായ് : ഇന്ത്യയിൽ നിന്നും യുഎഇയിലേക്ക് മടങ്ങാൻ ആഗ്രഹിക്കുന്നവർക്കായി കേന്ദ്രസർക്കാരിന്റെ വന്ദേഭാരത് മിഷൻ ആരംഭിക്കും.ജൂലൈ 12 മുതലാണ് വിമാന സർവീസുകൾ ആരംഭിക്കുക.യുഎഇയിൽ താമസ വിസയുള്ളവർക്ക് ഈ സർവീസുകൾ ഉപയോഗപ്പെടുത്താം.ഈ മാസം 26 ആം തിയതി വരെയുള്ള ബുക്കിംഗ് ആരംഭിച്ചിട്ടുണ്ട്.24,000 മുതൽ 30, 000 വരെയാണ് ടിക്കറ്റ് നിരക്ക്.
കേരളത്തിൽ നിന്നും അബുദാബി, ഷാർജ, ദുബായ് എന്നിവിടങ്ങളിലേക്കായി 51 വിമാനങ്ങളായിരിക്കും സർവീസ് നടത്തുക.അംഗീകൃത ലാബിൽ നിന്നുള്ള കോവിഡ് നെഗറ്റീവ് സർട്ടിഫിക്കറ്റ് ഹാജരാക്കിയാൽ മാത്രമേ യാത്രചെയ്യാൻ അനുവദിക്കുകയുള്ളൂ. ഇന്ത്യയിൽ നിന്നും യുഎഇയിലേക്ക് വിമാനങ്ങൾ ചാർട്ടർ ചെയ്യാൻ യുഎഇയിലെ വിമാന കമ്പനികൾക്ക് കഴിഞ്ഞ ദിവസമാണ് അനുമതി നൽകിയത്.ഇരുരാജ്യങ്ങളും തമ്മിലുള്ള സഹകരണത്തിന്റെ ഭാഗമായാണ് വിമാന കമ്പനികൾക്ക് അനുമതി നൽകിയതെന്ന് വ്യോമയാന മന്ത്രാലയം അറിയിച്ചു.
