‘സോളോ’ ചിത്രത്തിനു ശേഷം ദുൽക്കർ സൽമാൻ വീണ്ടും പട്ടാള വേഷത്തിലെത്തുന്നു. യുദ്ധത്തോടൊപ്പം എഴുതപ്പെട്ട ലെഫ്റ്റനന്റ് റാമിന്റെ പ്രണയകഥ എന്ന അടിക്കുറിപ്പോടെ ദുൽഖർ സൽമാന്റെ പിറന്നാൾ ദിവസമായ ഇന്ന് അണിയറ പ്രവർത്തകർ ചിത്രത്തിന്റെ കൺസെപ്റ്റ് പോസ്റ്റർ പുറത്തു വിട്ടിരിക്കുകയാണ്.ഒരേ സമയം തെലുങ്ക്,തമിഴ്,മലയാളം എന്നീ ഭാഷകളിലാണ് ഇതുവരെ പേരിടാത്ത ഈ ചിത്രമൊരുങ്ങുന്നത്.1964 ലെ യുദ്ധത്തിനിടയിൽ വിരിഞ്ഞ മനോഹര പ്രണയത്തിന്റെ കഥ പറയുന്ന ചിത്രമായിരിക്കും ഇതെന്നാണ് അണിയറപ്രവർത്തകരിൽ നിന്നും ലഭിക്കുന്ന വിവരം.
മഹാനടിക്കു ശേഷം വൈജയന്തി മൂവീസും ദുൽഖറും ഒന്നിക്കുന്ന ചിത്രം കൂടിയാണിത്. ഇതിനു മുമ്പ് സോളോയിലാണ് ദുൽക്കർ സൽമാൻ പട്ടാള വേഷത്തിലെത്തിയത്.കണ്ണും കണ്ണും കൊള്ളയടിത്താൽ എന്ന തമിഴ് സിനിമയാണ് ദുൽഖറിന്റെ അവസാനമായി പുറത്തിറങ്ങിയ ചിത്രം.
Discussion about this post