ഡൽഹിയിലെ കോവിഡ് രോഗമുക്തി നിരക്ക് 88 ശതമാനമായി വർദ്ധിച്ചു : സ്ഥിതിഗതികൾ മെച്ചപ്പെടുന്നുവെന്ന് അരവിന്ദ് കെജ്രിവാൾ

ഡൽഹിയിലെ കോവിഡ്-19 രോഗമുക്തി നിരക്ക് 88 ശതമാനമായി വർദ്ധിച്ചുവെന്ന് ഡൽഹി മുഖ്യമന്ത്രി അരവിന്ദ് കെജ്‌രിവാൾ.ഏറ്റവും കൂടുതൽ പേർ രോഗം ബാധിച്ച് ചികിത്സയിൽ കഴിയുന്നവരുടെയെണ്ണത്തിൽ ഡൽഹിക്ക് പത്താം സ്ഥാനമാണ് ഉള്ളതെന്നും അരവിന്ദ് കേജരിവാൾ വ്യക്തമാക്കി.കോവിഡ് ബാധിച്ചു മരിക്കുന്നവരുടെ എണ്ണത്തിലും തലസ്ഥാനത്ത് വലിയ തോതിൽ കുറവുണ്ട്.

കഴിഞ്ഞ 24 മണിക്കൂറിനുള്ളിൽ ഡൽഹിയിൽ രോഗമുക്തി നേടിയത് 1,807 പേരാണ്.ഇതോടെ ഡൽഹിയിൽ രോഗമുക്തി നേടിയവരുടെയെണ്ണം 1,14,875 ആയി വർദ്ധിച്ചു.ഡൽഹിയിൽ ഇതുവരെ 1,30,606 കോവിഡ് കേസുകളാണ് റിപ്പോർട്ട്‌ ചെയ്തിട്ടുള്ളത്.ഇതിൽ 11,904 പേർ ഡൽഹിയിലെ വിവിധ ആശുപത്രികളിൽ ഇപ്പോൾ ചികിത്സയിലുണ്ട്.ജൂലൈ ആദ്യ വാരം മുതൽ ഡൽഹിയിൽ റിപ്പോർട്ട്‌ ചെയ്യുന്ന കോവിഡ് കേസുകൾ കാര്യമായി കുറഞ്ഞിട്ടുണ്ട്.