തിരുവനന്തപുരം ജില്ലാ കളക്ടറുടെ ഔദ്യോഗിക അക്കൗണ്ടില് നിന്നു പണം തട്ടിയ സംഭവത്തില് പരിഹാസവുമായി ബിജെപി സംസ്ഥാന അധ്യക്ഷന് കെ സുരേന്ദ്രന്. ട്രഷറിയില് നിന്ന് രണ്ട് കോടി വെട്ടിച്ചത് സിപിഎം നേതാവു തന്നെയാണെന്നാണ് സുരേന്ദ്രന് ഫേസ്ബുക്ക് പോസ്റ്റില് കുറിച്ചത്.
സംഭവത്തില് വഞ്ചിയൂര് സബ് ട്രഷറിയിലെ ഉദ്യോഗസ്ഥനു സസ്പെന്ഷന് നല്കിയിരുന്നു. അക്കൗണ്ട്സ് ഓഫീസര് ബിജുലാലിനെയാണു സസ്പെന്ഡ് ചെയ്തത്.
ജോലിയില് നിന്നും മാസങ്ങള്ക്കു മുമ്ബ് പിരിഞ്ഞുപോയ ഉദ്യോഗസ്ഥന്റെ യൂസര് നെയിം, പാസ്വേഡ് എന്നിവ ഉപയോഗിച്ചാണു പണം തട്ടിയത്. വഞ്ചിയൂര് സബ് ട്രഷറിയിലെ സീനിയര് അക്കൗണ്ടന്റാണു ബിജുലാല്.
ജില്ലാ കളക്ടറുടെ അക്കൗണ്ടില് നിന്നും രണ്ട് കോടി രൂപയാണ് ഇയാള് തട്ടിയെടുത്തത്. സംഭവത്തില് ട്രഷറി ഉദ്യോഗസ്ഥനെതിരെ നടപടി ആവശ്യപ്പെട്ട് സബ് ട്രഷറി ഓഫീസര് പരാതി നല്കിയിരുന്നു. വഞ്ചിയൂര് സബ് ട്രഷറിയിലെ അക്കൗണ്ടില് നിന്നുമാണ് പണം നഷ്ടപ്പെട്ടത്.
കെ സുരേന്ദ്രന്റെ ഫേസ്ബുക്ക് പോസ്റ്റ്:
ട്രഷറിയിൽ നിന്ന് രണ്ടുകോടി വെട്ടിച്ചതും സി. പി. എം. നേതാവുതന്നെ. അവസാന ഭരണമല്ലേ എന്നു കരുതി നേരം വെളുക്കുവോളം കക്കുക തന്നെ…
Discussion about this post