ന്യൂഡൽഹി : മുൻ ചീഫ് ജസ്റ്റിസ് രഞ്ജൻ ഗൊഗോയ്ക്കെതിരെ അന്വേഷണം വേണമെന്ന ഹർജി സുപ്രീം കോടതി തള്ളി.ജസ്റ്റിസ് ഗൊഗോയ് വിരമിച്ചുവെന്നും അദ്ദേഹത്തിനെതിരെ ഇനിയൊരു അന്വേഷണത്തിന്റെ ആവശ്യമില്ലെന്നും ചൂണ്ടിക്കാട്ടിയാണ്‌ കോടതി ഹർജി തള്ളിയത്.
ജസ്റ്റിസ് ഗൊഗോയിയുടെ പ്രവർത്തനങ്ങൾ മൂന്നംഗ സമിതിയെക്കൊണ്ട് അന്വേഷിപ്പിക്കണമെന്ന് ആവശ്യപ്പെട്ട് അരുൺ രാമചന്ദ്ര ഹുബികർ എന്നയാളാണ് കോടതിയിൽ ഹർജി സമർപ്പിച്ചത്.എന്നാൽ, ജസ്റ്റിസ് ഗൊഗോയ് വിരമിച്ചതിനാൽ ഹർജിക്ക് ഇനി പ്രസക്തിയില്ലെന്ന് കോടതി അഭിപ്രായപ്പെട്ടു.ജസ്റ്റിസ് അരുൺ മിശ്രയടങ്ങുന്ന ബെഞ്ചിന്റേതായിരുന്നു വിധി.കഴിഞ്ഞ നവംബറിലാണ് ജസ്റ്റിസ് രഞ്ജൻ ഗൊഗോയ് വിരമിക്കുന്നത്.
Discussion about this post