ബെയ്ജിങ്: ചൈനയോട് പൊരുതി നിൽക്കുന്നതിൽ ലോകം മാതൃകയാക്കേണ്ടത് ഇന്ത്യയെയാണെന്ന് ടിയാനൻമെൻ സ്ക്വയർ വിദ്യാർത്ഥി നേതാവ് ചൗ ഫെങ്സുവോ. അതിർത്തികൾ കയ്യേറി സാമ്രാജ്യം വിസ്തൃതമാക്കുന്ന ചൈനയുടെ നടപടി ഭാരതം ഫലപ്രദമായി കൈകാര്യം ചെയ്യുന്നുണ്ടെന്നും ചൗ പ്രകീർത്തിച്ചു.ചൈനയുടെ ഏകാധിപത്യത്തെ ഭാരതത്തിലെ ജനാധിപത്യം കൈകാര്യം ചെയ്യുന്നത് ലോകം മുഴുവൻ മാതൃകയാക്കണമെന്നും ചൗ ചൂണ്ടിക്കാട്ടി.
ചൈനയ്ക്കെതിരെ ഫലപ്രദമായ നിലപാടുകൾ എടുക്കുന്നൊരു രാഷ്ട്രമാണ് തായ്‌വാൻ.ചൈനയ്‌ക്കെതിരെയുള്ള പോരാട്ടം രൂക്ഷമാക്കാൻ ഇന്ത്യ തായ്‌വാനുമായി നയതന്ത്രബന്ധങ്ങൾ ശക്തമാക്കണമെന്നും ചൗ നിർദ്ദേശിച്ചു.ഇന്ത്യ നിർണായകമായ ഒരു സാങ്കേതിക ശക്തി കൂടിയാണെന്നും അതും വേണ്ടപോലെ ഇക്കാര്യത്തിൽ ഉപയോഗപ്പെടുത്തണമെന്നും അദ്ദേഹം പറഞ്ഞു. ഹ്യുമാനിറ്റേറിയൻ ചൈനയെന്ന സംഘടനയുടെ സഹസ്ഥാപകൻ കൂടിയാണ് ചൗ ഫെങ്സുവോ
Discussion about this post