തൃശ്ശൂര്: മുഖ്യമന്ത്രിക്ക് സ്ഥലകാല വിഭ്രാന്തിയുള്ളതുകൊണ്ടാണ് മറ്റുള്ളവര്ക്കും മാനസികനില തെറ്റിയതായി തോന്നുന്നതെന്ന് ബിജെപി നേതാവ് ബി. ഗോപാലകൃഷ്ണന്. മുഖ്യമന്ത്രിയുടെ വിരട്ടലും വിലപേശലും ബിജെപിയോട് വേണ്ടെന്നും അദേഹം പറഞ്ഞു.
മുഖ്യമന്ത്രി വിരട്ടിയാല് പേടിക്കുന്നവരല്ല ബിജെപി. ഖുറാന് മുന്നില് വെച്ച് മുഖ്യമന്ത്രി വിരട്ടാന് നോക്കരുത്. കോഴക്കാര്യം തുറന്നു പറഞ്ഞ മന്ത്രിമാര്ക്കും മുഖ്യമന്ത്രി മറുപടി നല്കേണ്ടതുണ്ട്. അല്ലാതെ സുരേന്ദ്രനെ ആക്ഷേപിക്കാന് ശ്രമിച്ചിട്ട് കാര്യമില്ലെന്നും അദേഹം പറഞ്ഞു.
ഖുറാന്റെ മറപറ്റി ജലീല് നടത്തിയ സ്വര്ണക്കടത്തിനെതിരെ ബിജെപി നടത്തുന്ന പ്രക്ഷോഭങ്ങളെ സംബന്ധിച്ച് മാധ്യമ പ്രവര്ത്തകരുടെ ചോദ്യത്തിന് മറുപടിയില് മുഖ്യമന്ത്രി കെ. സുരേന്ദ്രനെ വിമര്ശിച്ചിരുന്നു. ഇതിന് മറുപടി നല്കുകയായിരുന്നു അദ്ദേഹം.
Discussion about this post