കൊച്ചി : ചരിത്രത്തിലാദ്യമായി രണ്ടു വനിതാ ഉദ്യോഗസ്ഥരെ യുദ്ധകപ്പലുകളുടെ ഡെക്കിൽ നിന്ന് ഹെലികോപ്റ്ററുകൾ പറത്തുന്ന, എയർബോൺ ടാക്റ്റീഷ്യന്മാരായി നിയമിച്ച് നാവികസേന. സബ് ലെഫ്റ്റനന്റ് കുമുദിനി ത്യാഗി, സബ് ലെഫ്റ്റനന്റ് റിതി സിങ് എന്നിവരെയാണ് നാവികസേനയുടെ യുദ്ധക്കപ്പലുകളിൽ നിന്ന് ഹെലികോപ്റ്റർ പറത്താനും യുദ്ധക്കപ്പലുകളിലേക്ക് ഹെലികോപ്റ്റർ ഇറക്കാനുമുള്ള ദുഷ്കര ദൗത്യത്തിനായി നിയമിച്ചിരിക്കുന്നത്.
നാവിക സേനയുടെ പുതിയ എംഎച്ച് 60 ആർ ഹെലികോപ്പ്റ്ററുകൾ പറപ്പിക്കാൻ ഈ വനിതാ ഉദ്യോഗസ്ഥർക്ക് അവസരം ലഭിക്കുമെന്നാണ് റിപ്പോർട്ടുകൾ. സമുദ്രാന്തർ ഭാഗത്ത് ഒളിച്ചിരിക്കുന്ന ശത്രുക്കളുടെ മുങ്ങിക്കപ്പലുകളെയും കപ്പലുകളെയും കണ്ടുപിടിക്കാൻ കഴിവുള്ളവയാണ് എം.എച്ച് 60 ആർ ഹെലികോപ്പ്റ്ററുകൾ. യുദ്ധക്കപ്പലുകളിൽ നിയമിക്കുന്നതോടെ നാവികസേനയുടെ അത്യന്താധുനിക ഉപകരണങ്ങളും സംവിധാനങ്ങളും പ്രവർത്തിപ്പിക്കാനുള്ള പരിശീലനം ഇരുവർക്കും നൽകുമെന്നാണ് റിപ്പോർട്ടുകൾ.
Discussion about this post