വ്യവസായ മന്ത്രി ഇ പി ജയരാജന് ദേഹാസ്വസ്ഥ്യം. തുടർന്ന് ആശുപത്രിയിൽ പ്രവേശിപ്പിച്ചു. ചൊവ്വാഴ്ച പുലര്ച്ചെ ആയിരുന്നു അദ്ദേഹത്തിന് ദേഹാസ്വാസ്ഥ്യം അനുഭവപ്പെട്ടത്. തിരുവനന്തപുരത്തെ ഔദ്യോഗിക വസതിയില് ആയിരുന്നു അദ്ദേഹം ഉണ്ടായിരുന്നത്. ഉടന് തന്നെ മെഡിക്കല് കോളേജ് ആശുപത്രിയിലേക്ക് കൊണ്ടുപോവുകയായിരുന്നു.
മെഡിക്കല് കോളേജിലെ തീവ്ര പരിചരണ വിഭാഗത്തില് ആണ് ഇപി ജയരാജനെ പ്രവേശിപ്പിച്ചിരിക്കുന്നത്. ആരോഗ്യ നില ഇപ്പോള് തൃപ്തികരമാണെന്നാണ് ആശുപത്രി അധികൃതര് അറിയിച്ചിരിക്കുന്നത്.
ഇപി ജയരാജനും ഭാര്യക്കും നേരത്തെ കൊവിഡ് സ്ഥിരീകരിച്ചിരുന്നു. കൊവിഡ് ബാധയില് നിന്ന് മുക്തനായി അധിക നാള് ആയിട്ടില്ല. തുടർന്ന് ആശുപത്രി വിട്ട ജയരാജൻ വീട്ടിൽ സ്വയം നിരീക്ഷണത്തിലായിരുന്നു. അതിനിടയിലാണ് ദേഹാസ്വാസ്ഥ്യം അനുഭവപ്പെട്ടത്.
Discussion about this post