ജയലളിതയായി കങ്കണ; ‘തലൈവി‘യുടെ ഷൂട്ടിംഗ് ചിത്രങ്ങൾ പുറത്ത് (വീഡിയോ കാണാം)

തമിഴ്നാട് മുൻ മുഖ്യമന്ത്രി ജയലളിതയുടെ ജീവിതം ആസ്പദമാക്കിയുള്ള ‘തലൈവി‘ എന്ന ചിത്രത്തിന്റെ ഷൂട്ടിംഗ് ചിത്രങ്ങൾ പുറത്ത്. ചിത്രത്തിൽ ജയലളിതയായി വേഷമിടുന്നത് ബോളിവുഡ് ലേഡി സൂപ്പർസ്റ്റാർ കങ്കണ റണാവത്താണ്. സംവിധായകൻ എ എൽ വിജയ് ആണ് ഈ ബഹുഭാഷാ ചിത്രം ഒരുക്കുന്നത്.

കൊവിഡ് വ്യാപനത്തെ തുടർന്ന് ഷൂട്ടിംഗ് നിർത്തി വെച്ചിരുന്ന ചിത്രത്തിന്റെ ചിത്രീകരണം പുനരാരംഭിച്ച വിവരം കങ്കണ റണാവത്താണ് ട്വിറ്ററിലൂടെ പുറത്തു വിട്ടത്. ഒപ്പം ചിത്രത്തിന്റെ ഷൂട്ടിംഗ് ചിത്രങ്ങളും താരം പങ്കു വെച്ചു.

With the blessings of Jaya Ma we completed one more schedule of Thalaivi- the revolutionary leader. After corona many things are different but between action and before cut nothing changes. Thank you team @vishinduri @ShaaileshRSingh #ALVijay pic.twitter.com/CghmfK0JQf

— Kangana Ranaut (Modi Ka Parivar) (@KanganaTeam) October 11, 2020

ജയ അമ്മയുടെ അനുഗ്രഹത്താൽ ‘തലൈവി- ദി റെവല്യൂഷണറി ലീഡർ‘ എന്ന ചിത്രത്തിന്റെ ഒരു ഷെഡ്യൂൾ കൂടി പൂർത്തിയാക്കി. കൊറോണക്ക് ശേഷം പല കാര്യങ്ങളിലും മാറ്റം വന്നു, എന്നാൽ ആക്ഷനും കട്ടിനുമിടയിൽ ഒന്നും മാറിയില്ലെന്നും താരം ട്വീറ്റ് ചെയ്തു. ടീം അംഗങ്ങൾക്ക് നന്ദി അറിയിക്കുന്നതായും കങ്കണ പറഞ്ഞു.

താൻ വളരെയെറേ പ്രതീക്ഷയോടെ കാത്തിരിക്കുന്ന ചിത്രമാണ് ‘തലൈവി‘ എന്ന കങ്കണ നേരത്തേ വ്യക്തമാക്കിയിരുന്നു.