സാനോയിൽ ജപ്പാനെതിരായ ടി20 മത്സരത്തിന് ശേഷം ഇന്ത്യൻ ക്രിക്കറ്റ് താരം സഞ്ജു സാംസണും ഒരു ആരാധകനും തമ്മിലുണ്ടായ രസകരമായ സംഭാഷണം സമൂഹമാധ്യമങ്ങളിൽ വൈറലാകുന്നു. ആദ്യം ഇഷാൻ കിഷന്റെ ശ്രദ്ധ പിടിക്കാൻ ശ്രമിച്ചെങ്കിലും പ്രതികരണമൊന്നും ലഭിക്കാത്തതിനെ തുടർന്ന് ആരാധകൻ സഞ്ജു സാംസണിന്റെ അടുത്തെത്തുകയായിരുന്നു.
സഞ്ജുവിനോട് സ്നേഹം പ്രകടിപ്പിച്ച ആരാധകൻ അഭിഷേക് ശർമ്മയെ വിളിക്കാനും ആവശ്യപ്പെട്ടു. അഭിഷേക് ഭക്ഷണം കഴിച്ചുകൊണ്ടിരിക്കുകയാണെന്നും മത്സരം കഴിഞ്ഞയുടനെ വരാൻ കുറച്ചു സമയം നൽകണമെന്നും സഞ്ജു ശാന്തമായി മറുപടി നൽകി. തുടർന്ന് ഒരു പ്രത്യേക സ്ഥലം ചൂണ്ടിക്കാണിച്ച സഞ്ജു, അവിടെ വന്ന് കാണാൻ ആരാധകനോട് നിർദ്ദേശിച്ചു. അവിടെ കാത്തിരിക്കാമെന്ന് സമ്മതിച്ച ആരാധകൻ ഒടുവിൽ താൻ പാകിസ്ഥാനിൽ നിന്നുള്ളയാളാണെന്നും സഞ്ജുവിനെ ഏറെ ഇഷ്ടമാണെന്നും തുറന്നുപറയുകയായിരുന്നു.
അതിർത്തിക്കപ്പുറത്തുനിന്നുള്ള ആരാധകന്റെ ഈ സ്നേഹപ്രകടനം സമൂഹമാധ്യമങ്ങളിൽഏറെ ശ്രദ്ധനേടിയിട്ടുണ്ട്. മഴമൂലം അഞ്ച് ഓവറാക്കി ചുരുക്കിയ മത്സരത്തിൽ ഇന്ത്യ 32 റൺസ് വിജയലക്ഷ്യം ഉയർത്തിയപ്പോൾ, ജപ്പാനെ 30 റൺസിൽ ഒതുക്കി ഇന്ത്യ രണ്ട് റൺസിന്റെ ആവേശകരമായ വിജയം സ്വന്തമാക്കിയിരുന്നു. മത്സരത്തിൽ സഞ്ജു 7 പന്തിൽ 9 റൺസ് നേടിയപ്പോൾ അഭിഷേക് ശർമ്മ പൂജ്യത്തിന് പുറത്താവുകയായിരുന്നു.
