പാറ്റ്ന : ബീഹാറിൽ എൻഡിഎ സഖ്യം അധികാരം നിലനിർത്തുമെന്ന് ഇന്ത്യാ ടുഡേ -ലോക്നീതി സിഡിഎസ് അഭിപ്രായ സർവെ. ജെഡിയു -ബിജെപി സഖ്യം 133 മുതൽ 144 വരെ സീറ്റുകൾ നേടുമെന്നും നിതീഷ് കുമാർ മുഖ്യമന്ത്രി പദവി നിലനിർത്തുമെന്നുമാണ് സർവേ ഫലം. മഹാസഖ്യത്തിനു ലഭിക്കാൻ സാധ്യത 88 മുതൽ 98 വരെ സീറ്റുകളാണ്.
എൽജെപിക്ക് രണ്ടുമുതൽ ആറു സീറ്റുകളും മറ്റുള്ളവർക്ക് ആറു സീറ്റുകൾ വരെയും ലഭിക്കാമെന്ന് അഭിപ്രായ സർവേയിൽ വിശദമാക്കിയിട്ടുണ്ട്. 52 ശതമാനം പേർ നിതീഷ് കുമാറിന്റെ ഭരണം സംതൃപ്തി നൽകുന്നതാണെന്ന് അഭിപ്രായപ്പെട്ടു. 61 ശതമാനം പേരാണ് മോദി സർക്കാരിന്റെ വികസനപ്രവർത്തനങ്ങളെ പിന്തുണച്ചത്. ബീഹാറിലെ 243 മണ്ഡലങ്ങളിലേക്കുള്ള തെരഞ്ഞെടുപ്പ് മൂന്നു ഘട്ടങ്ങളായാണ് നടക്കുക. ആദ്യ ഘട്ട വോട്ടെടുപ്പ് ഒക്ടോബർ 28 ന് നടക്കും. ഫലപ്രഖ്യാപനം നവംബർ പത്തിനായിരിക്കും നടക്കുക.
Discussion about this post