ശ്രീഹരിക്കോട്ട : പിഎസ്‌എല്‍വി-സി 49 ശ്രീഹരിക്കോട്ടയിലെ സതീഷ് ധവാന്‍ സ്‌പെയ്‌സ് സെന്ററില്‍ ശനിയാഴ്ച വൈകീട്ട് 3.02 ന് വിക്ഷേപണം. ഭൗമ നിരീക്ഷണ ഉപഗ്രഹമായ ഇഒഎസ് – 1നെയും 9 വിദേശ ഉപഗ്രഹങ്ങളെയും ഭ്രമണപഥത്തില്‍ എത്തിക്കുകയാണ് ഇതിന്റെ ലക്ഷ്യം. കൗണ്ട്ഡൗണ്‍ ആരംഭിച്ചതായി ഐഎസ്‌ആര്‍ഒ അറിയിച്ചു.
ന്യൂ സ്‌പെയ്‌സ് ഇന്ത്യ ലിമിറ്റഡ്, ബഹിരാകാശ വകുപ്പ് എന്നിവയുമായുണ്ടാക്കിയ കരാറിന്റെ അടിസ്ഥാനത്തിലാണ് ഒന്‍പത് വിദേശ ഉപഗ്രഹങ്ങള്‍ ഐഎസ്‌ആര്‍ഒ ഭ്രമണപഥത്തില്‍ എത്തിക്കുന്നത്. വെള്ളിയാഴ്ച ഉച്ചയ്ക്ക് 1.02 ന് കൗണ്ട്ഡൗണ്‍ തുടങ്ങിയതായി ഐഎസ്‌ആര്‍ഒ ട്വീറ്റ് ചെയ്തു.
കൃഷി, വനസംരക്ഷണം, ദുരന്തനിവാരണം എന്നീ മേഖലകളില്‍ ഉപയോഗപ്പെടുത്താന്‍ കഴിയുന്നതാണ് ശനിയാഴ്ച വിക്ഷേപിക്കുന്ന ഭൗമ നിരീക്ഷണ ഉപഗ്രഹം. റിസാറ്റ് -2ബിആര്‍2 എന്നപേരിലും ഇത് അറിയപ്പെടും.
കോവിഡ് സാഹചര്യം കണക്കിലെടുത്ത് സന്ദര്‍ശക ഗാലറി അടച്ചിടുമെന്ന് ഐഎസ്‌ആര്‍ഒ ഔദ്യോഗിക വെബ്‌സൈറ്റില്‍ വ്യക്തമാക്കിയിട്ടുണ്ട്.
Discussion about this post