കോഴിക്കോട്: ബിനീഷ് കോടിയേരിയുടെ മകളുടെ വിഷയത്തില് ഇഡിക്കെതിരായ നീക്കത്തില് നിന്ന് ബാലാവകാശ കമ്മീഷന് പിന്മാറി. കുട്ടിയുടെ അവകാശങ്ങള് ഹനിക്കപ്പെട്ടിട്ടില്ലെന്നതിനാല് തുടര്നടപടികള് ഇല്ലെന്ന് കമ്മീഷന്. കോടിയേരി വീട് റെയ്ഡ് നടന്നപ്പോഴുണ്ടായ പരാതി സംബന്ധിച്ച കാര്യങ്ങള് അന്ന് തന്നെ തീര്പ്പാക്കിയതാണെന്നും ബാലാവകാശ കമ്മീഷന് അംഗം കെ നസീര് വ്യക്തമാക്കി. ഇനി തുടര്നടപടിയില്ലെന്ന് ബാലാവകാശ കമ്മീഷന് വ്യക്തമാക്കി.
ലഹരിമരുന്ന് കേസുമായി ബന്ധപ്പെട്ട പണമിടപാടില് ബിനീഷ് കോടിയേരിയെ ഇഡി അറസ്റ്റ് ചെയ്തതിനു പിന്നാലെ ഉദ്യോഗസ്ഥര് വീട് റെയ്ഡ് ചെയ്യാനെത്തിയിരുന്നു. മണിക്കൂറുകള് നീണ്ടു നിന്ന റെയ്ഡ് കടുത്ത മാനസികസമ്മര്ദ്ദമുണ്ടാക്കിയെന്നും രണ്ടരവയസ്സുള്ള കുഞ്ഞിന് ഉറങ്ങാന് പോലും കഴിഞ്ഞില്ലെന്നും വീട്ടുകാര് പറഞ്ഞിരുന്നു. ഇതേ തുടര്ന്ന് ബിനീഷ് കോടിയേരിയുടെ ഭാര്യ പിതാവ് ബാലാവകാശ കമ്മീഷന് പരാതി നല്കുകയും ചെയ്തു.
Discussion about this post