ഡല്ഹി: ഡിജിറ്റല് മാധ്യമങ്ങളിലെ വിദേശ സ്വാധീനത്തിന് മൂക്കു കയറിടാനൊരുങ്ങി കേന്ദ്രം. ഡിജിറ്റല് മാധ്യമങ്ങളില് 26 ശതമാനം മാത്രമെ വിദേശ നിക്ഷേപത്തിന് ഇനി അനുമതി നൽകുകയുള്ളു. ഇതില് കൂടുതല് നിക്ഷേപം വാങ്ങിയവര് കുറയ്ക്കണമെന്നാണ് കേന്ദ്ര നിര്ദേശം. വാര്ത്താവിതരണ പ്രക്ഷേപ മന്ത്രാലയമാണ് ഇത് സംബന്ധിച്ച് പുതിയ ഉത്തരവ് പുറത്തിറക്കിയത്.
26 ശതമാനത്തില് കൂടുതല് വിദേശ നിക്ഷേപം ഉള്ളവര് ഒരു വര്ഷത്തിനകം കുറയ്ക്കണമെന്നാണ് നിര്ദേശം. 26 ശതമാനത്തില് താഴെയാണ് നിക്ഷേപമെങ്കില് അത് വിശദമാക്കുന്ന രേഖകള് ഒരുമാസത്തിനകം സമര്പ്പിക്കണമെന്നും ഉത്തരവിൽ പറയുന്നു. ഡിജിറ്റല് മാധ്യമങ്ങളുടെ സി.ഇ.ഒ ഇന്ത്യന് പൗരന്മാരാകണം. 60 ദിവസങ്ങളില് കൂടുതല് ഇന്ത്യയില് താമസിക്കുന്ന അത്തരം ഡിജിറ്റല് മാധ്യമസ്ഥാപനങ്ങളിലെ ജീവനക്കാര്ക്ക് സുരക്ഷാ അനുമതി വാങ്ങണം തുടങ്ങിയ നിര്ദേശങ്ങളാണ് ഉത്തരവിലുള്ളത്.
നേരത്തെ ഒടിടി പ്ലാറ്റ്ഫോമുകള്ക്കും ന്യൂസ് പോര്ട്ടലുകള്ക്കും നിയന്ത്രണം ഏര്പ്പെടുത്താന് കേന്ദ്രസര്ക്കാര് തീരുമാനിച്ചിരുന്നു.
Discussion about this post