ഡൽഹി: തുടർച്ചയായ തിരഞ്ഞെടുപ്പുകളിൽ പരാജയം ഏറ്റു വാങ്ങുന്ന കോൺഗ്രസിനെ പരിഹസിച്ച് ബിജെപി ഐ ടി വിഭാഗം തലവൻ അമിത് മാളവ്യ. കേന്ദ്ര ആഭ്യന്തര മന്ത്രി അമിത് ഷാ നേരിട്ട് തമിഴ്നാട്ടിൽ തിരഞ്ഞെടുപ്പ് പ്രചാരണം നയിക്കുമ്പോൾ കോൺഗ്രസ് നേതാക്കളായ രാഹുൽ ഗാന്ധിയും സോണിയയും ഗോവയിലും പ്രിയങ്ക വാദ്ര ഹിമാചലിലും അവധി ആഘോഷിക്കുകയാണ്. കോൺഗ്രസ് എന്തു കൊണ്ട് തോൽക്കുന്നു എന്നതിന് ഇതിലും വലിയ ഉദാഹരണം വേണോയെന്ന് അമിത് മാളവ്യ ചോദിച്ചു.
‘പശ്ചിമ ബംഗാളിൽ സന്ദർശനം നടത്തിയതിന് പിന്നാലെ അമിത് ഷാ തമിഴ്നാട്ടിലേക്ക് പോയി. ബിജെപി ദേശീയ അദ്ധ്യക്ഷൻ ജെ പി നഡ്ഡ നൂറു ദിന സന്ദർശന പരിപാടികൾ അസൂത്രണം ചെയ്യുകയാണ്. എന്നാൽ കോൺഗ്രസ് നേതാക്കളാകട്ടെ അടുത്ത ഒഴിവുകാലത്തേക്കുള്ള പദ്ധതികൾ തയ്യാറാക്കുകയാണ്.‘ അമിത് മാളവ്യ ട്വീറ്റ് ചെയ്തു.
ബിഹാർ തെരഞ്ഞെടുപ്പ് പ്രചാരണം കൊടുമ്പിരി കൊണ്ടിരിക്കുന്ന സമയത്ത് രാഹുൽ ഗാന്ധി ഷിമ്ലയിൽ വിനോദയാത്ര പോയത് മഹാസഖ്യത്തിന്റെ പരാജയത്തിന് കാരണമായെന്ന് ആർജെഡി കുറ്റപ്പെടുത്തിയിരുന്നു.
Discussion about this post