അസം മുൻ മുഖ്യമന്ത്രി തരുൺ ഗോഗോയ് അന്തരിച്ചു. കൊവിഡാനന്തര ചികിത്സയിലിരിക്കെയാണ് അന്ത്യം. ഗുവാഹത്തി മെഡിക്കൽ കോളേജിൽ വെച്ചാണ് മരണം സംഭവിച്ചത്.
86-കാരനായ തരുണ് ഗൊഗോയ്ക്ക് കൊവിഡ് ബാധിച്ചിരുന്നു. പിന്നീട് കൊവിഡ് മുക്തനായെങ്കിലും കൊവിഡാനന്തര പരിചരണത്തിലായിരുന്നു അദ്ദേഹം. ഗുവാഹത്തി മെഡിക്കല് കോളേജിലാണ് അദ്ദേഹം ചികിത്സയില് കഴിഞ്ഞിരുന്നത്.
അവശത അനുഭവപ്പെട്ടതിനെത്തുടര്ന്നാണ് അദ്ദേഹത്തെ ആശുപത്രിയിലേക്ക് മാറ്റിയത്. ആന്തരികാവയവങ്ങളുടെ പ്രവര്ത്തനം തടസ്സപ്പെട്ടതോടെ, അദ്ദേഹത്തെ വെന്റിലേറ്ററിലേക്ക് മാറ്റിയിരുന്നു. വടക്കുകിഴക്കന് സംസ്ഥാനങ്ങളില് നിന്ന് ദേശീയതലത്തിലേക്ക് ഉയര്ന്ന പ്രധാനനേതാക്കളില് ഒരാളാണ് തരുണ് ഗൊഗോയ്. അസമിലെ ജോര്ഹട്ട് മണ്ഡലത്തെയും പിന്നീട് കലിയബോര് മണ്ഡലത്തെയും പ്രതിനിധീകരിച്ച് ഏറെക്കാലം എംപിയായിരുന്നു തരുണ് ഗൊഗോയ്.
Discussion about this post