ബഹിരാകാശത്തു നിന്നുള്ള ഭൂമിയുടെ ആദ്യ വീഡിയോ പങ്കുവെച്ച് നാസയുടെ ബഹിരാകാശ യാത്രികൻ വിക്ടർ ഗ്ലോവർ. ട്വിറ്ററിലാണ് വിക്ടർ ഗ്ലോവർ വീഡിയോ പങ്കു വെച്ചിട്ടുള്ളത്. യഥാർത്ഥ കാഴ്ചയോടു നീതിപുലർത്താൻ ഈ വീഡിയോയ്ക്ക് സാധിച്ചിട്ടില്ലെങ്കിലും ഇത് മനോഹരമാണെന്ന് വീഡിയോയിൽ ഗ്ലോവർ പറയുന്നുണ്ട്.
ബുധനാഴ്ച രാവിലെ 12.53 നാണ് 30 സെക്കന്റ് ദൈർഘ്യമുള്ള വീഡിയോ ബഹിരാകാശ യാത്രികൻ ട്വിറ്ററിൽ പോസ്റ്റ് ചെയ്തത്. ” ബഹിരാകാശത്തു നിന്നുള്ള എന്റെ ആദ്യ വീഡിയോയാണിത്. ഡ്രാഗൺ റിസിലൻസിന്റെ ജാലകത്തിലൂടെ ഭൂമിയിലേക്ക് നോക്കുന്നു. സെൻസറി ഇൻപുട്ടുകളുടെയും വിശദാംശങ്ങളുടെയും തോത് അത്ഭുതകരമായ കാഴ്ചയാണ് കാണിച്ചുതന്നത്” വീഡിയോ പങ്കുവെച്ചതിനു ശേഷം ഗ്ലോവർ ട്വീറ്റ് ചെയ്തു.
നിമിഷനേരം കൊണ്ട് വീഡിയോ കണ്ടത് 1.9 മില്യൺ ആളുകളാണ്. കൂടാതെ, വീഡിയോയ്ക്ക് ഒരു ലക്ഷത്തിലധികം ലൈക്കുകളും ആയിരത്തോളം കമന്റുകളും ലഭിച്ചു.
My first video from space! Looking at the Earth through the window of Dragon Resilience. The scale of detail and sensory inputs made this a breathtaking perspective! pic.twitter.com/n7b5x0XLIp
— Victor Glover (@AstroVicGlover) November 24, 2020
Discussion about this post