കൊച്ചി – മംഗളൂരു ഗെയില് ദ്രവീകൃത പ്രകൃതിവാതക (എല്എന്ജി ) പൈപ്പ്ലൈന് ഇന്ന് പ്രധാനമന്ത്രി നരേന്ദ്രമോദി രാഷ്ട്രത്തിന് സമർപ്പിക്കും. വീഡിയോ കോണ്ഫറന്സിംഗ് വഴി ഇന്ന് രാവിലെ 11ന് ആണ് ഉദ്ഘാടനം.
ചടങ്ങില് ഗവര്ണര് ആരിഫ് മുഹമ്മദ് ഖാന്, കര്ണാടക ഗവര്ണര് വാജഭായ് വാല, മുഖ്യമന്ത്രി പിണറായി വിജയന്, കര്ണാടക മുഖ്യമന്ത്രി ബി.എസ്. യെദിയൂരപ്പ, കേന്ദ്ര എണ്ണ പ്രകൃതിവാതക സ്റ്റീല് മന്ത്രി ധര്മ്മേന്ദ്ര പ്രധാന് എന്നിവര് പങ്കെടുക്കും.
ഇന്ത്യയിലെ മുന്നിര പൊതുമേഖലാ പ്രകൃതിവാതക കമ്പനിയാണ് ഗെയില്. വിതരണം, എല്പിജി ഉത്പാദനം, വിപണനം, എല്എന്ജി റീഗ്യാസിഫിക്കേഷന്, പെട്രോകെമിക്കല്സ്, സിറ്റി ഗ്യാസ് എന്നിവ ഉള്പ്പെടുന്നതാണ് പദ്ധതി. രാജ്യത്ത് 6,700 കിലോമീറ്റര് പൈപ്പ് ലൈനിന്റെ നിര്മാണം നടത്തിവരികയാണ്. ഗെയിലിന് വാതക വിതരണത്തില് 70 ശതമാനം വിപണി പങ്കാളിത്തമുണ്ട്.
കേരളത്തിന്റെ ഉദ്ഘാടനവേദി കൊച്ചിയാണ്. കേരളത്തിലും കര്ണാടകത്തിലും പരിസ്ഥിതി സൗഹൃദ ഇന്ധനം വ്യാപകമാക്കുന്നതില് സുപ്രധാന നാഴികക്കല്ലാണിത്.
വൈപ്പിനിലെ എല്എന്ജി ടെര്മിനലില് നിന്നുള്ള വാതകം എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകള് വഴി 444 കിലോമീറ്റര് പൈപ്പ് ലൈലിലൂടെ കര്ണാടകയിലെ മംഗളൂരിലെത്തും.
Discussion about this post