തിരുവനന്തപുരം: ദേശീയ ഗെയിംസ് നടത്തിപ്പിന്റെ കണക്കുകള്‍ പരിശോധിക്കാന്‍ ഉത്തരവ്.കണക്കുകള്‍ പരിശോധിക്കണമെന്ന ചീഫ് സെക്രട്ടറി ജിജി തോംസണിന്റെ കത്തിന്മേലാണ് കായികമന്ത്രി തിരുവഞ്ചൂര്‍ രാധാകൃഷ്ണന്‍ നിര്‍ദേശം നല്‍കിയത്.45 ദിവസത്തിനുള്ളില്‍ അന്വേഷണം പൂര്‍ത്തിയാക്കി റിപ്പോര്‍ട്ട് സമര്‍പ്പിക്കണം.
ദേശീയ ഗെയിംസ് സംഘാടനത്തില്‍ ചീഫ് സെക്രട്ടറി കടുത്ത അതൃപ്തി രേഖപ്പെടുത്തിയിരുന്നു.സംഘാടനത്തില്‍ പിഴവ് പറ്റിയതായി ജിജി തോംസണ്‍ പറഞ്ഞു. ഉദ്ഘാടന ചടങ്ങിന് കൃത്യമായ റിഹേഴ്‌സല്‍ ഉണ്ടായിരുന്നില്ല. ഉദ്ഘാടനത്തിന് ചെലവാക്കിയ തുക വളരെ കൂടുതലായി. വീഴ്ചകള്‍ ആവര്‍ത്തിക്കരുത്.ഓണാഘോഷ പരിപടിയല്ല ദേശീയ ഗെയിംസാണ് നടക്കുന്നത് അതിനാല്‍ നിലവാരമുള്ള പരിപാടികള്‍ നടത്തണം. കായികതാരങ്ങളെ ആദരിക്കാത്തതിലും ചീഫ് സെക്രട്ടറി അതൃപ്തി രേഖപ്പെടുത്തി.
Discussion about this post