കൊല്ക്കത്ത: നിയമസഭാ തെരഞ്ഞെടുപ്പ് മുന്നോടിയായി തൃണമൂല് നേതാക്കളുടെ ഒഴുക്ക് ബിജെപിയിലേക്ക് തുടരുന്നു. ഏറ്റവുമൊടുവില് ബീര്ഭൂമില് നിന്നുള്ള പാര്ലമെന്റ് അംഗവും നടിയുമായ ശതാബ്ദി റോയ് തൃണമൂല് വിടുകയാണ്. തന്റെ തീരുമാനം നാളെ പ്രഖ്യാപിക്കുമെന്ന് റോയ് മാധ്യമങ്ങളെ അറിയിച്ചിട്ടുണ്ട്. ‘ഒരു തീരുമാനമെടുക്കുകയാണ് എങ്കില് ജനുവരി 16ന് ഉച്ചയ്ക്ക് രണ്ടു മണിക്ക് നിങ്ങളെ അതറിയിക്കും’ – എന്നാണ് ഇവര് ഫേസ്ബുക്കില് കുറിച്ചത്.
2009 മുതല് ബീര്ഭൂമില് നിന്നുള്ള പാര്ലമെന്റ് അംഗമാണ് ഇവര്. ബോല്പൂരില്ല് ഡിസംബര് 29ന് നടന്ന മുഖ്യമന്ത്രി മമത ബാനര്ജിയുടെ റാലിയില് ഇവര് പങ്കെടുത്തിരുന്നു. ഏപ്രില് ആദ്യ വാരം പശ്ചിമബംഗാള് തെരഞ്ഞെടുപ്പ് നടക്കുമെന്നാണ് പ്രതീക്ഷിക്കപ്പെടുന്നത്. മെയിലാകും ഫലപ്രഖ്യാപനം.
അതേസമയം 50 തൃണമൂല് കോണ്ഗ്രസ് എം.എല്.എമാര് അടുത്ത മാസം ബി.ജെ.പിയില് ചേരുമെന്ന് പശ്ചിമ ബംഗാള് ബി.ജെ.പി അദ്ധ്യക്ഷന് ദിലീപ് ഘോഷ് പ്രഖ്യാപിച്ചു. തൃണമൂല് വിട്ട എം.എല്.എമാര് തിരിച്ച് പാര്ട്ടിയില് ചേരാന് വരി നില്ക്കുകയാണെന്ന മന്ത്രി ജ്യോതിപ്രിയ മാലിക്കിന്റെ അവകാശവാദത്തെ തള്ളിക്കൊണ്ടാണ് ദിലീപ് ഘോഷിന്റെ പ്രതികരണം. ‘സംസ്ഥാനത്തെ ഒരു ബി.ജെ.പി. ബൂത്ത് പ്രസിഡന്റിനെയെങ്കിലും തൃണമൂല് കോണ്ഗ്രസില് ചേര്ക്കാന് മാലിക്കിനെ വെല്ലുവിളിക്കുന്നു.’
‘അങ്ങനെയെങ്കില് അദ്ദേഹത്തിന്റെ അവകാശവാദം സ്വീകരിക്കാമെന്നും’ ദിലീപ് ഘോഷ് പറഞ്ഞു. എം.പിമാരും തൃണമൂല് വിട്ട എം.എല്.എമാരും ഉള്പ്പെടെ വരുന്ന നിയമസഭാ തിരഞ്ഞെടുപ്പിന് മുമ്ബ് തിരിച്ച് പാര്ട്ടിയില് ചേരുമെന്ന് ചൊവ്വാഴ്ചയാണ് മാലിക് അവകാശപ്പെട്ടത്. തിരഞ്ഞെടുപ്പ് അടുത്തിരിക്കെ മുന്മന്ത്രി സുവേന്ദു അധികാരി ഉള്പ്പെടെ ഒട്ടേറെ തൃണമൂല് നേതാക്കാള് അടുത്തിടെ ബി.ജെ.പിയില് ചേര്ന്നിരുന്നു
Discussion about this post