ഡല്‍ഹി: ചൈന അതിര്‍ത്തിയില്‍ നിര്‍മ്മാണം നടത്തുന്നുവെന്ന് രാഹുല്‍ ആരോപിച്ചതിനെ രൂക്ഷമായി വിമര്‍ശിച്ച്‌ ബിജെപി ദേശീയ അധ്യക്ഷന്‍ ജെ.പി നദ്ദ. ഇന്ത്യാ ചൈന അതിര്‍ത്തിയെ സംബന്ധിച്ച നുണപ്രചാരണങ്ങള്‍ എന്നാണ് കോണ്‍ഗ്രസ് നിര്‍ത്തുകയെന്നും അദ്ദേഹം ചോദിച്ചു.
അവധിക്കാലം ആഘോഷിച്ച്‌ തിരിച്ചെത്തിയ രാഹുല്‍ ഗാന്ധിയോട് ചിലത് ചോദിക്കാനുണ്ടെന്ന് പറഞ്ഞാണ് നദ്ദ വിമര്‍ശനത്തിന് തുടക്കമിട്ടത്. എന്നാണ് രാഹുലും കുടുംബവും ചൈനയെക്കുറിച്ചുള്ള നുണ പ്രചാരണങ്ങള്‍ അവസാനിപ്പിക്കുക . മുന്‍ പ്രധാനമന്ത്രിയായിരുന്ന ജവഹര്‍ലാല്‍ നെഹ്‌റുവാണ് ആയിരക്കണക്കിന് കിലോമീറ്ററുകളോളം സ്ഥലം ചൈനയ്ക്ക് എഴുതിനല്‍കിയത്. ഇതില്‍ അരുണാചല്‍ പ്രദേശിന്റെ ഭാഗവും ഉള്‍പ്പെടുമെന്നും ജെ.പി നദ്ദ പറഞ്ഞു.
എന്തുകൊണ്ടാണ് കോണ്‍ഗ്രസ് പാര്‍ട്ടി എല്ലാ സമയവും ചൈനയ്ക്ക് അടിയറവ് പറയുന്നതെന്നും ജെ.പി നദ്ദ കുറ്റപ്പെടുത്തി. കാര്‍ഷിക ബില്ലിനെതിരെ പ്രതിഷേധം നടത്തുവന്നവരെ തെറ്റിദ്ധരിപ്പിക്കുന്ന കോണ്‍ഗ്രസ് നയത്തെയും അദ്ദേഹം രൂക്ഷമായി വിമര്‍ശിച്ചു.
ഒപ്പം ഇന്ത്യയിലെ ശാസ്ത്രജ്ഞര്‍ പുതിയ വാക്സിന് കണ്ടെത്തിയപ്പോള്‍ അവരെ അനുമോദിക്കാനോ ജനങ്ങള്‍ക്ക് ആശംസയറിയിക്കാനോ രാഹുല്‍ തയ്യാറായിട്ടില്ലെന്നും ജെ.പി നദ്ദ ചൂണ്ടിക്കാട്ടി.
Discussion about this post