ഉന്നാവ്: കോൺഗ്രസിനെതിരെ ഗുരുതര ആരോപണവുമായി ബിജെപി എം പി. കോൺഗ്രസാണ് നേതാജിയുടെ മരണത്തിന് ഉത്തരവാദിയെന്ന് ബിജെപി എം പി സാക്ഷി മഹാരാജ് പറഞ്ഞു. നേതാജിയുടെ ജനപ്രീതി നെഹ്രുവിനെ ഭയപ്പെടുത്തിയിരുന്നുവെന്നും അതു കൊണ്ടാണ് നേതാജിയെ ഒഴിവാക്കാൻ കോൺഗ്രസ് ഗൂഢാലോചന നടത്തിയതെന്നും അദ്ദേഹം പറഞ്ഞു. നേതാജി സുഭാഷ് ചന്ദ്ര ബോസിന്റെ ഇരുപത്തിയഞ്ചാം ജന്മവാർഷികമായ പരാക്രം ദിവസിനോട് അനുബന്ധിച്ച് സംസാരിക്കുകയായിരുന്നു അദ്ദേഹം.
പരാക്രം ദിവസിനോട് അനുബന്ധിച്ച് ബംഗാളിൽ ജയ് ശ്രീറാം വിവാദം കത്തിപ്പടരുന്നതിനിടെയാണ് ബിജെപി എം പിയുടെ പരാമർശം. നേതാജി സുഭാഷ് ചന്ദ്ര ബോസിന്റെ നൂറ്റിയിരുപത്തിയഞ്ചാം ജന്മവാർഷികത്തോടനുബന്ധിച്ച് നടത്തിയ ചടങ്ങിൽ പ്രധാനമന്ത്രി നരേന്ദ്ര മോദിയുടെ സാന്നിദ്ധ്യത്തിൽ ആവേശഭരിതരായ ജനങ്ങൾ ‘ജയ് ശ്രീറാം‘ എന്ന് ഉറക്കെ വിളിച്ചിരുന്നു. ഇതിൽ പ്രകോപിതയായ പശ്ചിമ ബംഗാൾ മുഖ്യമന്ത്രി മമത ബാനർജി പ്രസംഗം പൂർത്തീകരിക്കാതെ സ്ഥലം വിട്ടിരുന്നു. മമതയുടെ ഈ പ്രതികരണം വലിയ വിമർശനങ്ങൾക്ക് വഴി വെച്ചിരുന്നു.
‘ജയ് ശ്രീറാം‘ മന്ത്രം ഐക്യത്തിന്റേതാണെന്നും രാമമന്ത്രത്തോടുള്ള മമത ബാനർജിയുടെ അസഹിഷ്ണുത അപലപനീയമാണെന്നും നേതാജി സുഭാഷ് ചന്ദ്ര ബോസിന്റെ കൊച്ചു മകൻ സി കെ ബോസ് അഭിപ്രായപ്പെട്ടിരുന്നു.
Discussion about this post