നാഗ്പുർ: റിപ്പബ്ലിക് ദിനാഘോഷ വേളയിൽ കർഷക സമരങ്ങളുടെ മറവിൽ ഡൽഹിയിൽ നടന്ന അതിക്രമങ്ങളെ ശക്തമായി അപലപിച്ച് ആർ എസ് എസ്. റിപ്പബ്ലിക് ദിനത്തിൽ ഡൽഹിയിൽ നടന്ന അക്രമങ്ങൾ അപലപനീയമാണെന്നും അത്തരം അരാജകത്വത്തിന് ജനാധിപത്യത്തിൽ സ്ഥാനമില്ലെന്നും ആർ എസ് എസ് ദേശീയ ജനറൽ സെക്രട്ടറി സുരേഷ് ഭയ്യാജി ജോഷി വ്യക്തമാക്കി.
‘റിപ്പബ്ലിക് ദിനത്തിൽ ഡൽഹിയിൽ നടന്ന അക്രമങ്ങൾ അപലപനീയമാണ്. പ്രത്യേകിച്ച് ചെങ്കോട്ടയിൽ നടന്ന അക്രമങ്ങൾ. അവ നമ്മുടെ രാജ്യത്തിന്റെ അഖണ്ഡതയ്ക്ക് വേണ്ടി ജീവൻ ബലിയർപ്പിച്ച സ്വാതന്ത്ര്യ സമര സേനാനികളോടുള്ള അവഹേളനമാണ്. ജനാധിപത്യത്തിൽ ഇത്തരം അതിക്രമങ്ങൾക്ക് ഒരിക്കലും സ്ഥാനമില്ല.‘ പ്രസ്താവനയിൽ സുരേഷ് ഭയ്യാജി ജോഷി പറഞ്ഞു.
സമാധാനം നിലനിർത്താൻ രാജ്യം രാഷ്ട്രീയവും ആശയപരവുമായ ഭിന്നതകൾ മറന്ന് ഒരുമിച്ച് നിൽക്കണമെന്നും ആർ എസ് എസ് ആവശ്യപ്പെട്ടു.
