കൊല്ലം: ഗായകന് സോമദാസ് ചാത്തന്നൂര് അന്തരിച്ചു. ഹൃദയാഘാതത്തെ തുടര്ന്ന് കൊല്ലത്ത് വച്ചായിരുന്നു അന്ത്യം. പുലര്ച്ചയോടെ കൊല്ലം പാര്പ്പള്ളി മെഡിക്കല് കോളേജില് ചികിത്സയിലിരിക്കെയാണ് അന്ത്യം സംഭവിച്ചത്. കോവിഡ് ബാധിതനായിരുന്ന സോമദാസ് കോവിഡാനന്തര ചികിത്സയിലായിരുന്നു. 42 വയസായിരുന്നു. ഏഷ്യാനെറ്റ് സ്റ്റാര് സിങ്ങര്, ബിഗ്ബോസ് തുടങ്ങിയ റിയാലിറ്റി ഷോകളില് ശ്രദ്ധേയനായിരുന്നു.
റിയാലിറ്റി ഷോകളിലൂടെ ശ്രദ്ധേയനായ ഗായകനായിരുന്നു സോമദാസ്.കൊവിഡ് ബാധയെ തുടർന്നാണ് സോമദാസിനെ ആശുപത്രിയിൽ പ്രവേശിപ്പിച്ചത്. പിന്നീട് വൃക്കയ്ക്കും രോഗബാധ കണ്ടെത്തി ചികിൽസ തുടങ്ങി. കഴിഞ്ഞ ദിവസം കൊവിഡ് മുക്തനായി. തീവ്ര പരിചരണ വിഭാഗത്തിൽ നിന്ന് വാർഡിലേക്ക് മാറ്റാൻ ഇരിക്കെയാണ് ഹൃദയാഘാതം സംഭവിച്ചത്. ഭാര്യയും നാല് പെൺമക്കളും ഉണ്ട്. സംസ്കാരം ഇന്ന് പകൽ 11.30 ന് ചാത്തന്നൂരിൽ വീട്ടുവളപ്പിൽ നടക്കും.
സ്വദേശത്തും വിദേശത്തും നിരവധി ഗാനമേള സദസുകളില് പാടിയിട്ടുണ്ട്. സ്റ്റാര് സിങര് ഷോയിലൂടെയാണ് അദ്ദേഹത്തിന്റെ മികവ് ലോകം അറിയുന്നത്. 2008ലാണ് സോമദാസ് സ്റ്റാര് സിങ്ങറില് പങ്കെടുത്തത്. വിജയിക്കാനായില്ലെങ്കിലും, പ്രേക്ഷകരുടെ ഇഷ്ട മത്സരാര്ഥിയാകാന് അദ്ദേഹത്തിന് സാധിച്ചു. ഇതിന് ശേഷം കുറേക്കാലങ്ങള്ക്ക് ശേഷമാണ് അദ്ദേഹം ബിഗ് ബോസ് റിയാലിറ്റി ഷോയില് എത്തിയത്. എന്നാല്, ഷോയില് അധികം പൂര്ത്തിയാക്കും മുമ്പ് അദ്ദേഹത്തിന് ആരോഗ്യ പ്രശ്നങ്ങളെ തുടര്ന്ന് മടങ്ങേണ്ടി വന്നിരുന്നു.
ഇന്ന് പുലര്ച്ചെ മൂന്നു മണിയോടെയായിരുന്നു സോമദാസ് അന്തരിച്ചത്. അന്തരിച്ച നടനും ഗായകനുമായിരുന്ന കലാഭവന് മണിയുടെ ശബ്ദം അനുകരിച്ചും സോമദാസ് ശ്രദ്ധേയനായിരുന്നു. കലാഭവന് മണിയുടെ ഇടപെടലിനെ തുടര്ന്നാണ് സോമദാസിന് സിനിമയില് അവസരം ലഭിച്ചത്.
സിനിമയില് കൂടുതല് അവസരങ്ങള് ലഭിച്ചില്ലെങ്കിലും സ്റ്റേജ് ഷോകളിലൂടെ സോമദാസ് ശ്രദ്ധേയനായിരുന്നു. വിദേശത്തു നിരവധി സ്റ്റേജ് ഷോകളില് പാടാനും സോമദാസിന് അവസരം ലഭിച്ചിട്ടുണ്ട്. ബിഗ് ബോസ് 2020 സീസണിലാണ് സോമദാസ് മത്സരാര്ഥിയായി എത്തിയത്. വിവാഹിതനാണെങ്കിലും കുടുംബ പ്രശ്നങ്ങളെ തുടര്ന്ന് പിന്നീട് വിവാഹ മോചനം നേടി. രണ്ടു മക്കളുണ്ട്.
Discussion about this post