ഡൽഹി: ഹിന്ദു മതവികാരം വ്രണപ്പെടുത്തിയ ഗായിക റിഹാനക്കെതിരെ രാജ്യാന്തര പ്രതിഷേധം. നഗ്നമായ മാറിടങ്ങളിൽ ഗണേശ വിഗ്രഹം പ്രദർശിപ്പിച്ചു കൊണ്ടുള്ള റിഹാനയുടെ ചിത്രത്തിനെതിരെയാണ് പ്രതിഷേധം വ്യാപകമാകുന്നത്. സാമൂഹിക മാധ്യമത്തിലാണ് റിഹാന ചിത്രം പങ്കു വെച്ചിരിക്കുന്നത്.
റിഹാനയുടെ നടപടിക്കെതിരെ ബിജെപി ശക്തമായി രംഗത്ത് വന്നു. ഇത്തരം ഒരു ചിത്രം പങ്കു വെച്ചതിലൂടെ റിഹാന എന്താണ് ലക്ഷ്യമിടുന്നത് എന്ന് ബിജെപി ചോദിച്ചു. ഇവരുടെ പ്രവൃത്തികൾ ഗൂഢലക്ഷ്യത്തോടെ ഉള്ളതാണ്. ഇതിനെയും കോൺഗ്രസ് പിന്തുണയ്ക്കുന്നുണ്ടോ എന്നും ബിജെപി ചോദിച്ചു.
റിഹാന ഹിന്ദു ദൈവങ്ങളെ അപമാനിക്കുകയാണ് ചെയ്തിരിക്കുന്നത്. ശിവസേനയുടെ കണ്ണിലും ഇരുട്ട് പരന്നോയെന്ന് ബിജെപി നേതാവ് രാം കദം ചോദിച്ചു. ഇന്ത്യൻ ദൈവങ്ങൾക്കെതിരായ ഇത്തരം പ്രവൃത്തികളിൽ നേരത്തെ ശിവസേന ശക്തമായി രംഗത്ത് വരാറുണ്ടായിരുന്നു. ഇപ്പോൾ അധികാരം മാത്രമാണ് അവരുടെ ലക്ഷ്യമെന്നും അതാണ് അവർ മൗനം പാലിക്കുന്നതെന്നും ബിജെപി അഭിപ്രായപ്പെടുന്നു.
കർഷക സമരങ്ങളെ അനുകൂലിച്ച് രംഗത്ത് വന്ന റിഹാനയുടെ ഗൂഢലക്ഷ്യങ്ങൾക്കെതിരെ ബിജെപി ശക്തമായി രംഗത്ത് വന്നിരുന്നു. അന്ന് കോൺഗ്രസും മറ്റ് പ്രതിപക്ഷ പാർട്ടികളും റിഹാനയെ പിന്തുണച്ചിരുന്നു. റിഹാനയുടെ ഈ നടപടിക്കെതിരായ പ്രതിപക്ഷ പാർട്ടികളുടെ മൗനത്തിനെതിരെ സാമൂഹിക മാധ്യമങ്ങളിൽ പ്രതിഷേധം കനക്കുകയാണ്.
Discussion about this post