സിനിമാ ഗാനങ്ങള് ട്യൂണ് മാറ്റിപ്പാടുന്നതിനെതിരെ കടുത്ത വിമര്ശനവുമായി ഗാനരചയിതാവും സംഗീതജ്ഞനുമായ കൈതപ്രം ദാമോദരന് നമ്ബൂതിരി. സിനിമാ ഗാനങ്ങള് അത്തരത്തില് മാറ്റിപ്പാടി പ്രദര്ശിപ്പിക്കുന്നത് വിഡ്ഢിത്തമാണെന്നായിരുന്നു ഒരു അഭിമുഖത്തില് കൈതപ്രം പറഞ്ഞത്.ദേവാങ്കണങ്ങളും ദേവിയുമെല്ലാം പലരും ട്യൂണ് മാറ്റി പാടുന്നത് ശ്രദ്ധിക്കാറുണ്ടോ എന്ന ചോദ്യത്തിനായിരുന്നു കൈതപ്രത്തിന്റെ മറുപടി.
സംഗതികളിട്ട് പാടിയാല് ആരേക്കാളും മികച്ച രീതിയില് ദാസേട്ടനും ചിത്രയുമൊക്കെ പാടും. സമയപരിമിതി ഇല്ലാത്തതിനാല് ഹരീഷിനെപ്പോ ലുള്ളവര്ക്ക് ഈ ചതുരമൊക്കെ വിട്ട് പാടി എന്തുസാഹസവും കാണിക്കാം. പക്ഷേ, ആ ചതുരത്തില് നിന്നാല് മാത്രമേ പാട്ടിന്റെ സൗന്ദര്യം ഉണ്ടാവുകയുള്ളൂ എന്ന് മനസ്സിലാക്കണം.
‘അങ്ങനെ മാറ്റിപ്പാടി പ്രദര്ശിപ്പിക്കുന്നത് വിഡ്ഢിത്തമാണ്. ഗായകനായ ഹരീഷ് ശിവരാമകൃഷ്ണനൊക്കെ അങ്ങനെ ചെയ്യുന്നത് കണ്ടു. പാട്ടുകളൊക്കെ കുറെ വലിച്ച് നീട്ടി സംഗതികളൊക്കെ ഇട്ട് പാടുകയാണ്. ഹരീഷ് നല്ലൊരു ഗായകനാണ് എന്നതില് തര്ക്കമില്ല.
അദ്ദേഹം പാടിയ ‘രംഗപുര വിഹാര’ പോലുള്ള ശാസ്ത്രീയ ഗാനങ്ങളുടെ ആരാധകനാണ് ഞാന്. എന്നാല് സിനിമകളില് പാട്ടുകള് പാടുന്നത് ഒരു ചതുരത്തിനുള്ളില് നിന്നാണ്. അതില് നിന്ന് പുറത്തു പോകാനുള്ള അനുവാദം ഗായകര്ക്ക് ഉണ്ടായിരുന്നില്ല, കാരണം റെക്കോഡില് മൂന്നോ നാലോ മിനിറ്റില് പാടിത്തീര്ക്കണം.
നിയമസഭാ തെരഞ്ഞെടുപ്പ്: വിന്യസിക്കാനുള്ള കേന്ദ്ര സേന സംസ്ഥാനത്ത് എത്തി
ആ കുറുക്കല് തന്നെയാണ് സിനിമാപാട്ടുകളുടെ സൗന്ദര്യവും.ഈ പാട്ട് കേട്ട് ദാസേട്ടനെക്കാള് വലിയ ഗായകരാണ് ഇവരെന്ന് ചിലര് പറഞ്ഞാല് അത് ശുദ്ധ മണ്ടത്തരമാണ്. അതിനാല് ‘ദേവാങ്കണങ്ങള്’ കൈവിട്ട് പാടിയാല് എനിക്കത് ഇഷ്ടപ്പെടില്ല, അത്രമാത്രം, കൈതപ്രം പറഞ്ഞു.
Discussion about this post