തിരുവനന്തപുരം: ഉമ്മൻ ചാണ്ടിയെ നേമത്തേക്ക് സ്വാഗതം ചെയ്യുന്നതായി ബിജെപി സംസ്ഥാന അധ്യക്ഷൻ കെ സുരേന്ദ്രൻ. നേമം ബിജെപിയുടെ ഉരുക്കുകോട്ടയാണെന്ന് അദ്ദേഹം അവകാശപ്പെട്ടു. മത്സരത്തിനായി ഉമ്മന്‍ ചാണ്ടിയെയും പിണറായിയെയും നേമത്തേക്ക് സ്വാഗതം ചെയ്യുന്നതായും അദ്ദേഹം പറഞ്ഞു.
രാഹുൽ ഗാന്ധി തന്നെ വന്ന് മത്സരിച്ചാലും നേമത്ത് ബിജെപി ജയിക്കും. ബിജെപി സ്ഥാനാര്‍ത്ഥി പട്ടിക പൂര്‍ത്തിയായതായും കെ സുരേന്ദ്രൻ പറഞ്ഞു. അതേസമയം നേമത്ത് ഉമ്മൻ ചാണ്ടി മത്സരിക്കുന്നതിൽ കോൺഗ്രസിൽ തന്നെ കടുത്ത എതിർപ്പാണ് നിലവിലുള്ളത്. നേമത്ത് മത്സരിച്ചാൽ ഉമ്മൻ ചാണ്ടി തോൽക്കുമെന്നാണ് ഭൂരിപക്ഷം കോൺഗ്രസ് നേതാക്കളുടെയും ഭയം.
നേമത്ത് മത്സരിപ്പിച്ച് തോൽപ്പിച്ച് ഉമ്മൻ ചാണ്ടിയെ എന്നെന്നേക്കുമായി ഒതുക്കാനുള്ള ഗ്രൂപ്പ് ഗൂഢാലോചനയാണ് നടക്കുന്നതെന്നും കോൺഗ്രസിലെ ഒരു വിഭാഗം നേതാക്കൾ ആരോപിക്കുന്നു. നേമത്തേക്ക് പോകുന്നുവെങ്കില്‍ ചാണ്ടി ഉമ്മനെ പുതുപ്പള്ളിയില്‍ മത്സരിപ്പിക്കുന്നതിലടക്കം ചില നിര്‍ദ്ദേശങ്ങൾ ഉമ്മന്‍ ചാണ്ടി മുന്‍പോട്ട് വച്ചേക്കാനും സാദ്ധ്യതയുണ്ട്.
Discussion about this post