“മൂന്നുമാസം മുൻപ് “മരിച്ചയാൾ” പന്തളത്ത് തിരിച്ചെത്തിയെന്ന് വാർത്ത. ഏപ്രിൽ 6 ആയിക്കോട്ടെ സാറേ. 30 കൊല്ലം മുൻപ് മരിച്ചവർ വരെ വോട്ട് ചെയ്യാനെത്തും.”

കേരളത്തിൽ ഇരട്ട വോട്ടും വ്യാജ വോട്ടും വ്യാപകമാണെന്ന കണ്ടെത്തലിനെ ട്രോളി സംവാദകൻ ശ്രീജിത്ത് പണിക്കർ. മൂന്നുമാസം മുൻപ് “മരിച്ചയാൾ” പന്തളത്ത് തിരിച്ചെത്തിയെന്ന് വാർത്തയുടെ പശ്ചാത്തലത്തിലാണ് ശ്രീജിത്ത് പണിക്കരുടെ ട്രോൾ.

https://www.facebook.com/panickar.sreejith/posts/3940595169293862

“മൂന്നുമാസം മുൻപ് “മരിച്ചയാൾ” പന്തളത്ത് തിരിച്ചെത്തിയെന്ന് വാർത്ത. ഏപ്രിൽ 6 ആയിക്കോട്ടെ സാറേ. 30 കൊല്ലം മുൻപ് മരിച്ചവർ വരെ വോട്ട് ചെയ്യാനെത്തും.” ഇതായിരുന്നു ശ്രീജിത്ത് പണിക്കരുടെ ഫേസ്ബുക്ക് പോസ്റ്റ്. ചുവന്ന വേഷം ധരിച്ച് കൈയ്യിൽ കത്തിയുമായി മീശ പിരിച്ച് ഇരിക്കുന്ന നടൻ കൃഷ്നൻ കുട്ടി നായരുടെ ചിത്രവും പോസ്റ്റിൽ ഉൾപ്പെടുത്തിയിട്ടുണ്ട്.

അതേസമയം വോട്ടർ പട്ടികയിലെ വ്യാജ വോട്ടുകൾ നീക്കം ചെയ്യണം എന്നാവശ്യപ്പെട്ടു കൊണ്ടുള്ള ഹർജി ഇന്ന് ഹൈക്കോടതി പരിഗണിച്ചേക്കും. വോട്ടര്‍ പട്ടികയില്‍ വ്യാജമായി ചേര്‍ത്ത പേരുകള്‍ നീക്കണമെന്നും ഇതിന് ഉത്തരവാദികളായവരെ ശിക്ഷിക്കണമെന്നുമാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തലയാണ് ഹർജി നൽകിയിരിക്കുന്നത്.

സംസ്ഥാനത്തെ 131 മണ്ഡലങ്ങളിലായി 4.34 ലക്ഷത്തിലധികം പേരെ വ്യാജമായി പട്ടികയില്‍ ചേര്‍ത്തിട്ടുണ്ട്. ഇക്കാര്യം വ്യക്തമാക്കി മുഖ്യ തെരഞ്ഞെടുപ്പ് കമ്മിഷണര്‍ക്കും ചീഫ് ഇലക്ടറല്‍ ഓഫീസര്‍ക്കും കത്തുകള്‍ നല്‍കിയെങ്കിലും മറുപടിയുണ്ടായില്ലെന്നും ഹർജിയിൽ പറയുന്നു.

വോട്ടര്‍ പട്ടികയില്‍ വ്യാജമായി പേരു ചേര്‍ത്തിട്ടുണ്ടെന്ന ആരോപണം ശരിയാണെന്ന് ചീഫ് ഇലക്ടറല്‍ ഓഫീസര്‍ സമ്മതിച്ചിട്ടുണ്ട്. വ്യാജമായി ചേര്‍ത്ത പേരുകള്‍ പട്ടികയില്‍ നിന്ന് നീക്കുകയോ മരവിപ്പിക്കുകയോ വേണമെന്നും കുറ്റക്കാരായ ഉദ്യോഗസ്ഥര്‍ക്കെതിരെ ക്രിമിനല്‍ നടപടി വേണമെന്നുമാണ് പ്രതിപക്ഷ നേതാവ് ആവശ്യപ്പെടുന്നത്.

കണ്ണൂരിൽ വ്യാപകമായി കള്ളവോട്ട് ചെയ്യാൻ സിപിഎം ശ്രമിക്കുന്നതായി ആരോപിച്ച് കോൺഗ്രസ് നേതാവ് കെ സുധാകരനും രംഗത്തെത്തി. സി.​പി.​എം ശ​ക്തികേ​ന്ദ്ര​ങ്ങ​ളി​ല്‍ തെ​ര​ഞ്ഞെ​ടു​പ്പ്​ ഡ്യൂ​ട്ടി​ക്ക്​ നി​യോ​ഗി​ക്കു​ന്ന​ത്​ കൂ​ടു​ത​ലും സ്​​ത്രീ​ക​ളെ​യാ​ണെ​ന്നും അ​വ​രെ ഭ​യ​പ്പെ​ടു​ത്തി വ​രു​തി​യി​ലാ​ക്കാ​നാ​ണ്​ സി.​പി.​എം നീ​ക്ക​മെ​ന്നും അദ്ദേഹം ആരോപിച്ചു.

ക​ണ്ണൂ​രി​ല്‍ തെ​ര​ഞ്ഞെ​ടു​പ്പ് ജോ​ലി​യു​ടെ ഉ​യ​ര്‍ന്ന ത​സ്തി​ക​ക​ളി​ല്‍ നി​യോ​ഗി​ച്ച​വ​രി​ല്‍ 95 ശ​ത​മാ​ന​വും ഇ​ട​തു​പ​ക്ഷ യൂണിയനിൽ പെട്ടവരെയാണ്. സി.​പി.​എം ആ​ധി​പ​ത്യ​മു​ള്ള ആ​ന്തൂ​ര്‍, ക​ല്യാ​ശ്ശേ​രി തു​ട​ങ്ങി​യ  കേ​ന്ദ്ര​ങ്ങ​ളി​ല്‍ ഇടത് യൂണിയൻ പ്രവർത്തകരായ സ്​​ത്രീ​ക​ളെ മാ​ത്ര​മാ​ണ്​ നി​യോ​ഗി​ച്ചി​ടു​ള്ളതെന്നും സുധാകരൻ പറഞ്ഞു. വി​ര​ലി​ലെ​ണ്ണാ​വു​ന്ന ചി​ല​ര്‍ മാ​ത്ര​മാ​ണ് വ്യത്യസ്തരായിട്ടുള്ളതെന്നും അദ്ദേഹം ആരോപിച്ചു.

ക​ണ്ണൂ​രി​ല്‍ സി.​പി.​എം വ്യാ​പ​ക​മാ​യി ഇ​ര​ട്ട​വോ​ട്ടും ക​ള്ള​വോ​ട്ടും ചേ​ര്‍​ത്തി​ട്ടു​ണ്ട്. ഇ​ത്​ വ​ര്‍​ഷ​ങ്ങ​ള്‍​ക്ക്​ മുൻപേയുള്ള പതിവാണ്. മറ്റ് പാർട്ടി നേതാക്കളുടെ പേ​രി​ല്‍ ഇ​ര​ട്ട​വോ​ട്ട്​ ഉ​ണ്ടെ​ങ്കി​ല്‍ അ​തും സി.​പി.​എ​മ്മു​കാ​ര്‍ ചേ​ര്‍​ത്ത​താ​കും. പിടിക്കപ്പെടുമ്പോൾ മറ്റുള്ളവരും ഉ​ണ്ടെ​ന്ന്​ പ​റ​യാ​ന്‍ വേ​ണ്ടി​യാ​ണി​തെ​ന്നും സു​ധാ​ക​ര​ന്‍ പ​റ​ഞ്ഞു.