കൊല്ക്കത്ത: വികസനത്തിന് തടയിടുന്ന മുഖ്യമന്ത്രിയാണ് മമത എന്നും കേന്ദ്രസര്ക്കാരുമായി അവര് സഹകരിക്കില്ലെന്നും ബംഗാളില് അഞ്ചാംഘട്ട തിരഞ്ഞെടുപ്പ് പുരോഗമിക്കുന്നതിനിടെ അസന്സോളിലെ പൊതുയോഗത്തില് സംസാരിക്കവെ പ്രധാനമന്ത്രി നരേന്ദ്രമോദി വിമര്ശിച്ചു.
തിരഞ്ഞെടുപ്പ് നാല് ഘട്ടം കഴിഞ്ഞപ്പോള്തന്നെ തൃമണമൂല് കോണ്ഗ്രസ് പലതായി ഭിന്നിക്കപ്പെട്ടു. ഇങ്ങനെ പോയാല് തിരഞ്ഞെടുപ്പ് പൂര്ത്തിയാവുമ്പോള് പാര്ട്ടി തന്നെ ഇല്ലാതാവുമെന്നും അദ്ദേഹം പരിഹസിച്ചു.
”പ്രധാനപ്പെട്ട പല വിഷയങ്ങളിലും കേന്ദ്രം വിളിച്ചുചേര്ത്ത യോഗത്തില് മമത പങ്കെടുത്തിട്ടില്ല. എല്ലാ തവണയും ഓരോ കാരണങ്ങള് പറഞ്ഞ് അവര് യോഗത്തില് നിന്ന് മാറിനില്ക്കും. ധാര്ഷ്ട്യക്കാരിയാണ് മമത. കേന്ദ്രസര്ക്കാരിന്റെ പദ്ധതികളെ മമത എതിര്ക്കുന്നു. കേന്ദ്രപദ്ധതികള്ക്കും ജനങ്ങള്ക്കും ഇടയിലുള്ള ഒരു മതിലായി മമത നില്ക്കുന്നു. ” മോദി പറഞ്ഞു.
വികസനത്തിന്റെ പേരില് ബംഗാളില് നടക്കുന്നത് കൊളളയാണെന്നും മോദി ആരോപിച്ചു. ബിജെപി സര്ക്കാര് അധികാരത്തില് വന്നാല് മമത സര്ക്കാര് നിര്ത്തലാക്കിയ വികസന പ്രവര്ത്തനങ്ങള് പുനരാരംഭിക്കും. ബിജെപി സര്ക്കാര് ജനങ്ങള്ക്കൊപ്പം നില്ക്കുന്ന സര്ക്കാരാണെന്നും ബംഗാളില് അധികാരത്തിലെത്തിയാല് ജനങ്ങള്ക്കൊപ്പം തുടരുമെന്നും മോദി കൂട്ടിച്ചേര്ത്തു.
Discussion about this post