കൊച്ചി: വാഹനാപകടത്തില് ഗുരുതരമായി പരിക്കേറ്റ് ചികിത്സയിലായിരുന്ന നടന് ജഗതി ശ്രീകുമാര് മലയാള സിനിമയിലേക്ക് തിരിച്ചു വരുന്നു. ‘തീമഴ തേന് മഴ’ എന്ന ചിത്രത്തിലൂടെയാണ് തിരിച്ചുവരവ്. സംവിധായകന് കുഞ്ഞുമോന് താഹയാണ് ചിത്രത്തിന്റെ കഥയും സംവിധാനവും നിര്വ്വഹിക്കുന്നത്. ഏറെ നാളത്തെ ഇടവേളയ്ക്ക് ശേഷം മലയാളികളുടെ ഹാസ്യ സാമ്രാട്ടിനെ ബിഗ് സ്ക്രീനില് കാണാൻ കാത്തിരിക്കുകയാണ് ആരാധകര്.
കറുവാച്ചന് എന്ന് വിളിപ്പേരുള്ള കറിയാച്ചന് എന്ന കഥാപാത്രത്തെയാണ് ജഗതി അവതരിപ്പിക്കുന്നത്. കഴിഞ്ഞ ദിവസം സിനിമയുടെ ചിത്രീകരണം ജഗതിയുടെ വീട്ടില് വച്ച് നടന്നിരുന്നു. രാജേഷ് കോബ്രാ അവതരിപ്പിക്കുന്ന ഉലുവാച്ചന് എന്ന കഥാപാത്രത്തിന്റെ അച്ഛനായാണ് ജഗതി ശ്രീകുമാര് എത്തുന്നത്.
സിനിമയുടെ ചിത്രീകരണം പല സ്ഥലങ്ങളിലായി പുരോഗമിക്കുകയാണ്. ശരീര ഭാഷകൊണ്ട് ജഗതി കറിയാച്ചനെ ശക്തമായി അവതിപ്പിച്ചുവെന്ന് കുഞ്ഞുമോന് പറഞ്ഞു.
Discussion about this post