വയനാട്: കുറച്ചു ദിവസങ്ങൾക്കു മുൻപ് സുല്ത്താന് ബത്തേരിയില് സ്ഫോടക വസ്തുക്കള് പൊട്ടിത്തെറിച്ച് പരിക്കേറ്റ് ചികിത്സയിലായിരുന്ന മൂന്ന് വിദ്യാര്ത്ഥികളില് രണ്ട് പേര് മരിച്ചു.
മുരളി (16), അജ്മല് (14) എന്നിവരാണ് മരിച്ചത്. കോഴിക്കോട് മെഡിക്കല് കോളേജില് വെച്ചായിരുന്നു ഇരുവരുടെയും മരണം. കൂടെയുണ്ടായിരുന്ന ഫെബിന് ഫിറോസ് ചികിത്സയിലാണ്.
ബത്തേരി കുപ്പാടി കാരക്കണ്ടിക്ക് സമീപം ആളൊഴിഞ്ഞ വീട്ടില് ഏപ്രില് 22 നായിരുന്നു സംഭവം. ഉച്ചയ്ക്ക് ഒരു മണിയോടെ മണ്ണാര്ക്കാട് സ്വദേശിയുടെ ഉടമസ്ഥതയിലുള്ള ആളൊഴിഞ്ഞ ഷെഡ്ഡിനുള്ളിലാണ് സ്ഫോടനമുണ്ടായത്.
സംഭവത്തില് മുരളി, അജ്മല് ഉള്പ്പെടെ പ്രദേശവാസികളായ മൂന്ന് വിദ്യാര്ത്ഥികള്ക്ക് ഗുരുതരമായി പരിക്കേറ്റിരുന്നു.
Discussion about this post